’کروڑوں لوگ صرف اشرافیہ کی حرام خوری کی وجہ سے ایک اذیت ناک زندگی گزارنے پر مجبور ہیں‘:مصطفیٰ نواز کھوکھر

?️

اسلام آباد: (سچ خبریں) تحریک تحفظ آئین پاکستان کے رہنماء سابق سینیٹر مصطفیٰ نواز کھوکھر نے گورننس اور کرپشن پر آئی ایم ایف رپورٹ شرمناک قرار دیدی۔ اس حوالے سے اپنے ایک بیان میں انہوں نے کہا کہ آئی ایم ایف کی گورننس اور کرپشن پر رپورٹ سامنے آئی ہے، یہ رپورٹ ہمارے لیے بطور پاکستانی شرمناک ہے، اندازہ لگائیے کہ ہماری سسکتی معیشت اگر آج ڈھائی فیصد پر کھڑی ہے تو وہ کرپشن کی وجہ سے ہے، یہی معیشت 5 سے 6 فیصد پر جا سکتی ہے اگر صرف ہم کرپشن پر قابو پالیں یعنی کہ کروڑوں لوگ صرف اشرافیہ کی حرام خوری کی وجہ سے ایک اذیت ناک زندگی گزارنے پر مجبور ہیں۔
مصطفیٰ نواز کھوکھر کا کہنا ہے کہ دوسرا آئی ایم ایف نے ایس آئی ایف سی پر بھی سوالات اُٹھادئیے، ادارے کی قانونی حیثیت اور جواب دہی کا میکینزم نہ ہونے پر تعجب کا اظہار کیا اور یہ بھی کہا کہ ایس آئی ایف سی اپنی سالانہ رپورٹ جاری کرے جس سے اُس کی افادیت کو دیکھا جا سکے، تیسرا حکومت کی جانب سے ٹینڈرنگ کو شفاف بنانے کا بھی مطالبہ کیا، اربوں کے ٹھیکوں کو ای ٹینڈرنگ اور پارلیمانی نگہداشت کا بھی کہہ دیا، چوتھا ٹیکس کے نظام اور پانچواں عدالتی نظام میں بھی بہتری لانے کا کہہ دیا لیکن یہاں تو عدلیہ کو فتح کرنے سے ہی فرصت نہیں۔
خیال رہے کہ آئی ایم ایف نے گورننس اینڈ کرپشن ڈائیگناسٹک اسسمنٹ پر پاکستان سے متعلق ٹیکنیکل اسسٹنس رپورٹ جاری کی ، جس میں کہا گیا ہے کہ پاکستان میں مختلف اعشاریئے وقت کے ساتھ بدعنوانی کے خلاف کمزور کنٹرول کی عکاسی کرتے ہیں، جس کے نتیجے میں سرکاری اخراجات کی مؤثریت، محصولات کی وصولی اور قانونی نظام پر اعتماد متاثر ہوتا ہے، حکومت کی تمام سطحوں پر بدعنوانی کے خدشات موجود ہیں لیکن سب سے زیادہ معاشی نقصان دہ صورتیں اُن مراعات یافتہ اداروں سے جڑی ہیں جو اہم معاشی شعبوں پر اثر و رسوخ رکھتے ہیں، جن میں وہ ادارے بھی شامل ہیں جو ریاست کی ملکیت ہیں یا اس سے منسلک ہیں، یہ صورتحال اس تاثر سے مزید پیچیدہ ہو جاتی ہے کہ انسدادِ بدعنوانی کا طریقہ کار مستقل مزاجی اور غیر جانبداری سے خالی رہا ہے، جس کے باعث کرپشن کے خلاف کام کرنے والے اداروں پر عوامی اعتماد میں کمی آئی ہے۔

مشہور خبریں۔

الیکشن کمیشن نےسال 2026 کے پہلے ہفتے کی کازلسٹ جاری کردی

?️ 22 دسمبر 2025اسلام آباد (سچ خبریں) الیکشن کمیشن نے سال 2026 کے پہلے ہفتے

عرب لیگ میں شام کی واپسی کیسے ہوئی؟

?️ 11 مئی 2023سچ خبریں:عرب لیگ میں شام کی نشست پر بشار الاسد کی جائز

اسرائیل منظم جرائم کے بھنور میں پھنس چکا ہے:عبرانی میڈیا

?️ 3 اگست 2022سچ خبریں:صیہونی کثیر الاشاعت اخبار نے صہیونی معاشرے کے ڈھانچے میں منظم

امریکی قانون سازوں کی یوکرین کے لیے امداد اور روس کے خلاف پابندیوں کی منظوری

?️ 5 جون 2026سچ خبریں: امریکی ایوانِ نمائندگان نے یوکرین کو مزید فوجی اور معاشی امداد

صیہونیوں کو تھکا دینے والا ماسٹر مائنڈ رمزی الاسود

?️ 26 مارچ 2023سچ خبریں:1995 میں صہیونی انٹیلی جنس سروس موساد کے عناصر نے فلسطینی

ڈرامے کے بعد مجھے پیار ہوا تھا فلم کی صورت میں ریلیز

?️ 27 مئی 2024کراچی: (سچ خبریں) نجی ٹی وی اے آر وائے نیوز کے 2023

امریکی حکام نے غزہ جنگ میں بائیڈن کی منافقانہ پالیسی کا اعتراف کیا

?️ 17 فروری 2024سچ خبریں:وال سٹریٹ جرنل نے موجودہ اور سابق امریکی حکام کے حوالے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے