سچ خبریں: چینی معائنہ ٹیم پاکستان میں خودکش حملے کے دوران اس ملک کے پانچ شہریوں کی ہلاکت کی تحقیقات کے لیے اسلام آباد پہنچ گئی۔
روئٹرز نیوز ایجنسی کی رپورٹ کے مطابق پاکستان کی وزارت داخلہ نے پاکستان میں خودکش حملے میں چینی شہریوں کی ہلاکت کی مشترکہ تحقیقات میں شامل ہونے کے لیے چین کے تفتیش کاروں کی ٹیم کی اس ملک میں آمد کا اعلان کیا ہے۔
یہ بھی پڑھیں: گوادر میں خودکش حملہ، چین نے اہم بیان جاری کردیا
اس تحقیقات میں دونوں ممالک کے تعاون کا مقصد ان حملوں سے نمٹنا ہے جنہوں نے اسلام آباد کی معیشت کو جدید بنانے کی کوششوں کو خطرے میں ڈال دیا ہے۔
پاکستان کے وزیر داخلہ محسن نقوی نے اسلام آباد میں بیجنگ کے سفارت خانے میں چینی تفتیش کاروں کی آمد پر انہیں اس خودکش حملے کے حوالے سے اب تک ہونے والی تحقیقات کی رپورٹ فراہم کی۔
شمال مغربی پاکستان میں ڈیم بنانے کے منصوبے پر کام کرنے والے چینی انجینئرز کو لے جانے والی گاڑی پر گزشتہ منگل کو ہونے والے خودکش حملے میں پانچ چینی شہریوں سمیت 6 افراد کی ہلاکت کے بعد، اسلام آباد میں بیجنگ کے سفارت خانے نے اپنے شہریوں سے حفاظتی اقدامات بڑھانے کو کہا۔
مزید پڑھیں:بشام میں چینی شہریوں پر حملہ، حکومت کا تحقیقات کیلئے جے آئی ٹی بنانے کا فیصلہ
جنوبی ایشیا میں واقع اس ملک میں چینی مفادات پر ایک ہفتے میں یہ تیسرا خودکش حملہ ہے، پہلے دو حملے بالترتیب صوبہ بلوچستان کے جنوب مغرب میں پاکستان نیوی کے ایک ایئر بیس اور ایک اسٹریٹجک بندرگاہ پر کیے گئے، وہ بندرگاہ جہاں چینی اربوں ڈالر کے بنیادی ڈھانچے کے منصوبے بنا رہے ہیں۔
