دنیا

صیہونی حکومت امدادی کارکنوں اور صحافیوں پر حملے کیوں کرتی ہے؟

16
مارچ

🗓️ 16 مارچ 2025

سچ خبریں:حماس کے ترجمان نے غزہ میں امدادی کارکنوں اور صحافیوں کو نشانہ بنانے کے اسرائیلی حملوں کی وجہ بتائی ہے۔

فلسطینی نیوز ایجنسی شہاب کی رپورٹ کے مطابق، حماس کے ترجمان حازم قاسم نے اسرائیلی حملے کی مذمت کرتے ہوئے کہا کہ:

اسرائیلی قابض افواج نے بیت لاہیا (شمالی غزہ) میں ایک اور خوفناک جرم کا ارتکاب کیا، جہاں صحافیوں اور انسانی امدادی کارکنوں کو نشانہ بنایا گیا۔

یہ حملہ فائر بندی کے معاہدے کی صریح خلاف ورزی ہے۔

یہ بھی پڑھیں: 2000 سے اب تک صیہونیوں کے ہاتھوں 46 فلسطینی صحافیوں کی شہادت

حازم قاسم نے مزید کاہا کہ امدادی کارکنوں کو نشانہ بنانے کا مقصد غزہ میں انسانی بحران کو بڑھانا اور قحط پیدا کرنا ہے، اسرائیل نے امدادی گزرگاہوں کو بند کر دیا ہے اور انسانی امداد کو روکنے کی کوشش کر رہا ہے۔

انہوں نے اسرائیلی حملوں کو سچائی کو دبانے کی کوشش قرار دیتے ہوئے کہا کہ اسرائیل صحافیوں کو نشانہ بنا کر اپنے مظالم اور جنگی جرائم کو چھپانا چاہتا ہے۔

یہ حملے ثابت کرتے ہیں کہ اسرائیل انسانی حقوق اور بین الاقوامی قوانین کی کھلم کھلا خلاف ورزی کر رہا ہے۔

یاد رہے کہ آج اسرائیلی حملے میں 9 فلسطینی شہید ہو گئے، جن میں متعدد صحافی بھی شامل ہیں۔

Short Link

Copied