ٹرمپ یمن میں ناکام، جنگ بندی کی امید؛تجزیہ کاروں کا دعویٰ  

سچ خبریں:سیاسی تجزیہ کاروں کے مطابق ٹرمپ یمن میں انصار اللہ کے خلاف ناکام ہو چکے ہیں، چھ ہفتے کے امریکی حملوں کے باوجود یمنی کارروائیاں جاری ہیں اور جنگ بندی کا امکان بڑھ گیا ہے۔

الجزیرہ نیوز چینل کی رپورٹ کے مطابق، امریکہ کی جانب سے یمن کے رہائشی علاقوں پر چھ ہفتے سے جاری وحشیانہ حملوں کے باوجود یمنی مسلح افواج اپنی کارروائیاں بحیرہ احمر اور مقبوضہ علاقوں میں جاری رکھے ہوئے ہیں، جو امریکی حملوں کی ناکامی کا واضح ثبوت ہے۔

یہ بھی پڑھیں: یمن نے امریکہ اور انگلینڈ کو دیا منھ توڑ جواب

سیاسی تجزیہ کار لقاء مکی نے الجزیرہ سے گفتگو کرتے ہوئے کہا کہ امریکہ انصار اللہ کے مقابلے میں سخت شکست سے دوچار ہوا ہے۔

انہوں نے مزید کہا کہ اب امریکہ متبادل حکمت عملی یعنی یمن پر حملے روکنے کی بات کر رہا ہے کیونکہ ٹرمپ یمن کے محاذ پر بند گلی میں پھنس چکے ہیں اور امریکی فوجی طاقت کے باوجود کوئی کامیابی حاصل نہیں کر سکے۔

لقاء مکی نے یہ بھی پیش گوئی کی کہ ٹرمپ کے آئندہ مشرق وسطیٰ کے دورے سے قبل غزہ میں جنگ بندی کا امکان ہے تاکہ یمنی مزاحمتی کارروائیوں کو روکا جا سکے۔

مزید پڑھیں:یمنیوں نے امریکہ کو میدان میں للکارا

دفاعی اور اسٹریٹیجک امور کے ماہر ایلیاس حنا نے بھی کہا کہ ٹرمپ کا علاقائی دورہ اس وقت ممکن ہے جب خطے میں امن قائم ہو، کیونکہ انصار اللہ کی مسلسل میزائل حملوں کے سائے میں ٹرمپ کے لیے سفر کرنا مشکل ہو جائے گا۔