یمن کا امریکہ کو شدید انتباہ

سچ خبریں:یمن کی انصار اللہ تحریک نے خبردار کیا ہے کہ امریکہ کے حملے سے رأس عیسیٰ بندرگاہ پر تباہی ہوئی اور بحیرہ احمر میں تیل کا بڑا اخراج ہوا ہے، یمن نے امریکہ کو اس ماحولیاتی بحران کا مکمل ذمہ دار قرار دیا ہے۔

یمن کی انصار اللہ تحریک نے خبردار کیا ہے کہ امریکہ کی جانب سے حدیدہ صوبے میں واقع تیل کے بندرگاہ "رأس عیسیٰ” پر حالیہ حملوں کے نتیجے میں بحیرہ احمر میں بڑے پیمانے پر تیل کا اخراج ہو رہا ہے، جو شدید ماحولیاتی تباہی کا سبب بن سکتا ہے۔

یہ بھی پڑھیں: یمن نے امریکہ اور انگلینڈ کو دیا منھ توڑ جواب

روسیا الیوم کے مطابق، یمنی حکام نے کہا ہے کہ امریکی حملوں نے رأس عیسیٰ بندرگاہ کے سویلین انفراسٹرکچر کو مکمل طور پر تباہ کر دیا ہے۔

یمنی وزیر خارجہ جمال عامر نے اقوام متحدہ اور اس کے سکریٹری جنرل انتونیو گوٹیرش کو لکھے گئے خط میں کہا کہ امریکی جارحیت نے رأس عیسیٰ بندرگاہ کی سویلین تنصیبات کو نشانہ بنایا ہے، جس کے نتیجے میں سمندری علاقے بحیرہ احمر اور اس سے متصل علاقوں میں بڑی مقدار میں تیل پھیل گیا ہے۔

انہوں نے مزید کہا کہ امریکہ اس ماحولیاتی اور بحری تباہی کا مکمل بین الاقوامی ذمہ دار ہے، اور اسے اس کے سنگین نتائج کا سامنا کرنا ہوگا۔

مزید پڑھیں:یمنیوں نے امریکہ کو میدان میں للکارا

ابھی تک امریکہ کی جانب سے یمن کی ان الزامات پر کوئی ردعمل سامنے نہیں آیا ہے۔  یمنی حکام اور بین الاقوامی ادارے خدشہ ظاہر کر رہے ہیں کہ اگر تیل کے اخراج کو فوری طور پر نہیں روکا گیا تو بحیرہ احمر کی بحری حیات اور خطے کی معیشت کو شدید نقصان پہنچ سکتا ہے۔