ہمارے صبر کی بھی ایک حد ہے:حزب اللہ

سچ خبریں:حزب اللہ کی ایگزیکٹو کونسل کے نائب صدر محمود قماطی نے بیروت ایئرپورٹ روڈ پر ہونے والے احتجاجی اجتماع میں اعلان کیا کہ ہم یہ برداشت نہیں کریں گے کہ یہ ملک امریکہ اور اسرائیل کے قبضے میں ہو۔  

یہ بھی پڑھیں: لبنان میں حالات خراب کرنے کی سازش

المنار نیوز چینل نے بیروت ایئرپورٹ روڈ پر لبنانی عوام کے احتجاجی اجتماع کی کچھ مناظر نشر کیے،حزب اللہ لبنان کے ایگزیکٹو کونسل کے نائب صدر محمود قماطی نے ایئرپورٹ روڈ پر ہونے والے احتجاجی اجتماع میں شریک مجمع سے خطاب کرتے ہوئے کہا کہ ہم یہ ہرگز برداشت نہیں کریں گے کہ ہمارا ملک امریکہ اور اسرائیل کے قبضے میں ہو، ہم یہ ذلت قبول نہیں کریں گے، ہم صبر کر رہے ہیں لیکن ہمارے صبر کی بھی ایک حد ہے۔

انہوں نے حزب اللہ کے اعلان پر عوامی شرکت کی تعریف کرتے ہوئے کہا کہ ہماری مخلص عوام سلامت رہے،ہمارا نعرہ وہی تاریخی نعرہ ہے کہ ہر گز ذلت برداشت نہیں کرین گے۔

ہم اپنے ملک کی حکومت کو اسرائیل اور امریکہ کے دباؤ کے آگے جھکنے کی اجازت نہیں دیں گے،ہم نے جانیں قربان کی ہیں تاکہ ہماری عزت محفوظ رہے اور اس ملک کی حقیقی خودمختاری برقرار رہے۔

قماطی نے زور دے کر کہا کہ بیروت ایئرپورٹ پر ہوائی جہازوں کی لینڈنگ کو روکنے کا فیصلہ حکومت اور سیکیورٹی سروسز کی توہین ہے، کیوں امریکہ اور اسرائیل کے دباؤ کے آگے جھکا جا رہا ہے؟

انہوں نے لبنانی حکام سے خطاب کرتے ہوئے کہا کہ آپ جھکنے کے خواہشمند ہیں، لیکن حزب اللہ دباؤ کے آگے جھکے گی نہیں اور مزاحمت کرے گی۔

امریکہ اور اسرائیل کی توہین آمیز کارروائیوں اور دباؤ کے خلاف مزاحمت کی جائے گی، ایرانی ہوائی جہازوں کی بیروت ایئرپورٹ پر لینڈنگ کو روکنا لبنان کی توہین ہے اور امریکہ کے دباؤ کو ظاہر کرتا ہے، ہم دباؤ کے آگے نہیں جھکیں گے، ایران ایک دوست ملک ہے۔

اسی دوران المیادین کے نامہ نگار نے اطلاع دی کہ لبنانی فوج نے محمود قماطی کے خطاب کے دوران آنسو گیس کا استعمال کیا۔

العربی چینل نے بھی لبنانی فوج کی جانب سے مظاہرین پر حملے کا حوالہ دیا،المنار چینل نے بھی اطلاع دی کہ لبنانی فوج کی جانب سے آنسو گیس کے استعمال سے کئی مظاہرین زخمی ہوئے ہیں،لبنانی فوج نے مظاہرین کو منتشر کرنے کے لیے ہوائی فائرنگ کی۔

المنار نے اطلاع دی کہ حزب اللہ نے ایئرپورٹ روڈ پر احتجاجی اجتماع کے اختتام کا اعلان کیا ہے، اجتماع میں شریک افراد نے کہا کہ احتجاجی اجتماع کا پیغام پہنچ گیا ہے۔

لبنانی پارلیمنٹ میں مزاحمتی تحریک کے حامی گروپ کے رکن ابراہیم الموسوی نے مظاہرین سے پرانے ایئرپورٹ روڈ پر احتجاجی اجتماع کے مقام کو خالی کرنے کی اپیل کی۔

مزید پڑھیں: کیا حزب الله لبنان کے سیاسی عمل سے باہر ہو گئی ہے؟

پرانے ایئرپورٹ روڈ کو بھی احتجاجی اجتماع کے اختتام کے بعد کھول دیا گیا ہے، جسے حزب اللہ نے صہیونی ریاست کی مداخلت کے خلاف اور لبنان کی خودمختاری کے حق میں منعقد کیا تھا۔