خاص فلم کو اسکار ایوارڈ ملنے پر صیہونی حکومت سیخ پا 

سچ خبریں:صیہونی وزیر ثقافت کی جانب سے ’’کوئی اور سرزمین نہیں‘‘ نامی فلم کو کو اسکار ایوارڈ دیے جانے پر برہمی کا اظہار کیا گیا ہے۔ 

الجزیرہ نیوز چینل کی رپورٹ کے مطابق صیہونی حکومت کے وزیر ثقافت نے ایک صیہونی مخالف فلم کو اسکار ایوارڈ دیے جانے پر شدید غصے کا اظہار کرتے ہوئے کہا کہ یہ فلم اسرائیل کی غلط تصویر پیش کر رہی ہے۔

یہ بھی پڑھیں:فرحہ فلم کا اثر؛مغربی ضمیر بھی بیدار

رپورٹ کے مطابق، صیہونی وزیر نے ’’کوئی اور سرزمین نہیں‘‘ کو بہتان پر مبنی قرار دیتے ہوئے کہا کہ اس فلم کے ذریعے اسرائیل کے خلاف جھوٹا بیانیہ پھیلایا جا رہا ہے۔

ان کا کہنا تھا کہ یہ اسکار ایوارڈ کی تاریخ کا ایک افسوسناک لمحہ ہے اور اس فلم کے تخلیق کاروں نے اسرائیل کے بارے میں حقیقت کو توڑ مروڑ کر پیش کیا ہے۔

’’کوئی اور سرزمین نہیں‘‘ ایک فلسطینی کارکن اور ایک صیہونی صحافی کے اتحاد کی کہانی پر مبنی ہے، جو مغربی کنارے میں اسرائیلی مظالم کے دوران وقوع پذیر ہوتی ہے۔

مزید پڑھیں: غزہ جنگ میں زیادہ کامیابیاں حماس کو ملی ہیں یا اسرائیل کو؟صیہونی کنیسٹ رکن کا اعتراف

یہ فلم صیہونی فوجیوں کے مظالم پر مبنی ہے، جس میں دکھایا گیا ہے کہ اسرائیلی فوج کس طرح فلسطینیوں کے گھروں کو تباہ کر کے وہاں فوجی تربیتی مراکز قائم کر رہی ہے اور مقامی لوگوں کو ان کے گھروں سے بے دخل کر رہی ہے۔