تل ابیب (سچ خبریں) اسرائیلی اخبار ہارٹز نے غزہ کے میزائلوں کی کامیابی کے بارے میں اہم انکشاف کرتے ہوئے لکھا ہے کہ اسرائیلی ریاست بین الاقوامی پائپ لائن کی وجہ سے دنیا میں ایک اہم مقام حاصل کرنا چاہتی ہے لیکن غزہ سے داغے جانے والے میزائل اس کی راہ میں سب سے بڑی رکاوٹ ہیں۔
تفصیلات کے مطابق عبرانی اخبار ہارٹز نے کہا ہے کہ اسرائیلی ریاست بین الاقوامی پائپ لائن کے ذریعے تیل کی نقل و حمل اور ذخیرہ کرنے میں ایک سپر پاور بننا چاہتی ہے، لیکن غزہ کے میزائل اور راکٹ اس منصوبے کے لیے سیکورٹی کے خدشات کا باعث ہیں۔
اخبار نے کہا نے لکھا ہے کہ ایک ایسے وقت میں جب دُنیا ایندھن کو آلودہ کرنے کے بجائے قابل تجدید توانائی کی طرف منتقلی کی حوصلہ افزائی کر رہی ہے، یورو ایشیا پائپ لائن’ کمپنی تیل کی نقل و حمل اور ذخیرہ کرنے میں اسرائیل کو سپر پاور میں تبدیل کرنا چاہتی ہے۔
اس تناظر میں اخبار نے نشاندہی کی کہ یورو ایشیا پائپ لائن کمپنی نے میڈ ریڈ لینڈ برج کمپنی کے ساتھ گزشتہ اکتوبر میں ایک معاہدہ کیا تھا جس میں متحدہ عرب امارات کے کاروباری حضرات شریک ہیں۔
