OPEC+ ممالک کی سعودی عرب کی حمایت

?️ 18 اکتوبر 2022

سچ خبریں:واشنگٹن اور ریاض کے درمیان OPEC+ میں کسی معاہدے تک پہنچنے کے بارے میں لفظی جنگ میں اضافے کے بعد اس تیل کارٹیل کے کئی رکن ممالک نے سعودی عرب کی حمایت کی۔

رویٹرز نیوز ایجنسی کی رپورٹ کے مطابقOPEC+ کے اراکین نے تیل کی پیداوار میں زبردست کمی لانے کے منصوبے کی حمایت میں موقف اپنایا جسے اس آئل کارٹیل نے چند روز قبل منظور کیا تھا جبکہ OPEC+ کی جانب سے ریاض کی حمایت سے اس منصوبے کی منظوری کا اعلان وائٹ ہاؤس کے شدید غصے کا سبب بنا، خاص طور پر سعودی عرب کے خلاف، جو اسے اپنا اتحادی اور اپنے مفادات کا تحفظ کرنے والا ایجنٹ سمجھتا تھا۔

واشنگٹن نے دعویٰ کیا کہ ریاض نے دوسرے ممالک پر دباؤ ڈالا ہے کہ وہ اس منصوبے کا ساتھ دیں جس کا نتیجہ دراصل واشنگٹن کے لیے نقصان دہ ہے اور تیل کی قیمتوں میں اضافے کی وجہ سے روس کے فائدے میں ہے، رپورٹ کے مطابق، اوپیک تیل برآمد کرنے والے دوسرے بڑے ملک عراق نے اعلان کیا ہے کہ یہ فیصلہ اقتصادی اشاریوں کی بنیاد پر اوپیک + نے متفقہ طور پر کیا ہے۔

یاد رہے کہ عمان اور بحرین نے بھی الگ الگ بیانات میں اعلان کیا کہ اوپیک + تنظیم، جس میں روس سمیت دیگر بڑے تیل پیدا کرنے والے ممالک شامل ہیں، نے متفقہ طور پر تیل کی پیداوار میں 20 لاکھ بیرل یومیہ کمی کی منظوری دینے کا فیصلہ کیا ہے۔