?️
سچ خبریں:آئرلینڈ نے صیہونی کمپنیوں کے ساتھ تجارت روکنے کا منصوبہ پیش کر کے یورپ میں ایک نئی مثال قائم کر دی،اس فیصلے کے بعد صہیونی حکومت نے شدید ردعمل کا عندیہ دیا ہے۔
بین الاقوامی میڈیا کے مطابق، آئرلینڈ یورپ کا پہلا ملک بن گیا ہے جس نے مقبوضہ فلسطینی علاقوں میں قائم صیہونی کمپنیوں کے ساتھ تجارت کو روکنے کا منصوبہ پیش کیا ہے۔
یہ بھی پڑھیں:صیہونی کمپنیوں پر کیا بیتی؟
معروف برطانوی اخبار فائننشل ٹائمز نے اپنی تازہ رپورٹ میں بتایا ہے کہ آئرش حکومت عنقریب ایک ایسا بل پارلیمنٹ میں پیش کرے گی جس کے تحت ان تمام اسرائیلی کمپنیوں کے ساتھ ہر طرح کی تجارت ممنوع قرار دی جائے گی جو مقبوضہ علاقوں میں سرگرم ہیں۔
ذرائع کے مطابق، یہ اقدام ایسے وقت میں سامنے آیا ہے جب مغربی ممالک پر غزہ میں صیہونی حملوں کی حمایت کے باوجود، جنگ کے خاتمے کا عالمی مطالبہ بڑھتا جا رہا ہے،فرانس اور کینیڈا جیسے ممالک بھی اگرچہ اسرائیلی اقدامات کی حمایت کر چکے ہیں، لیکن اب وہ بھی جنگ بند کرنے پر زور دے رہے ہیں۔
اسی تناظر میں، آئندہ ماہ جون کے وسط میں نیویارک میں ایک اہم بین الاقوامی کانفرنس متوقع ہے جس میں فرانس اور سعودی عرب کی دعوت پر مسئلہ فلسطین پر تبادلہ خیال ہو گا اور امکان ہے کہ اس اجلاس میں ریاست فلسطین کو باضابطہ طور پر تسلیم کیا جائے۔
اس صورتحال پر صہیونی حکومت کا ردعمل بھی سامنے آیا ہے۔ اسرائیلی وزیر خارجہ گدعون ساعر نے خبردار کیا ہے کہ اگر کسی بھی ملک نے فلسطینی ریاست کو تسلیم کرنے کی کوشش کی تو اسرائیل اس کا سخت جواب دے گا،ان کا کہنا تھا کہ اسرائیل ایسے کسی اقدام کی صورت میں مغربی کنارے (ویسٹ بینک) پر مکمل قبضہ کرنے کے لیے تیار ہے۔
وزیر خارجہ کے یہ سخت بیانات ایسے وقت سامنے آئے ہیں جب یورپی یونین اور عالمی برادری فلسطین کے مسئلے پر دو ریاستی حل کی حمایت میں سرگرم ہو رہی ہے،تجزیہ کاروں کے مطابق آئرلینڈ کا یہ اقدام دیگر یورپی ممالک کے لیے بھی ایک مثال بن سکتا ہے اور آنے والے دنوں میں خطے کی صورتحال مزید سنگین ہو سکتی ہے۔
آئرش حکومت کی طرف سے اس اقدام کو انسانی حقوق کی حمایت اور فلسطینی عوام کے ساتھ یکجہتی کی علامت قرار دیا جا رہا ہے، جبکہ اسرائیلی حکومت نے اسے غیرمنصفانہ اور جانبدارانہ قرار دیتے ہوئے عالمی برادری کو متنبہ کیا ہے۔
Short Link
Copied
مشہور خبریں۔
صارفین کی آسانی کیلئے واٹس ایپ میں تبدیلیاں، نیا لے آؤٹ کیسا ہوگا؟
?️ 11 مئی 2024سچ خبریں: مقبول میسیجنگ ایپ واٹس ایپ نے اپنے صارفین کی آسانی
مئی
لاہور ہائیکورٹ میں محسن نقوی کے تقرر کےخلاف شیخ رشید کی درخواست مسترد
?️ 27 مارچ 2023لاہور: (سچ خبریں) لاہور ہائیکورٹ نے نگران وزیر اعلیٰ پنجاب محسن نقوی
مارچ
خلیج فارس کے عرب ایران کے ساتھ تعلقات میں بہتری کے خواہاں:سی این این
?️ 24 اگست 2022سچ خبریں:امریکی نیوز چینل نے خلیج فارس کی جنوبی سرحد کے عربوں
اگست
تل ابیب کے قلب پر یمنی میزائل حملہ؛ صیہونی ذرائع کی تصدیق
?️ 21 دسمبر 2024سچ خبریں:صیہونی ذرائع کی تصدیق نے تصدیق کی ہے کہ یمن کی
دسمبر
عمران خان کی جانب سے ‘نیوٹرلز’ کی مخالفت ماضی کی بات ہے، پرویز الہٰی
?️ 7 اکتوبر 2022لندن: (سچ خبریں) پی ٹی آئی کے چیئرمین عمران خان کی سیکیورٹی
اکتوبر
ماہ رمضان میں مسجد الاقصی کے خلاف صیہونیوں کی جارحیت میں اضافہ
?️ 26 مارچ 2023سچ خبریں:مقبوضہ القدس کے مفتی اعظم محمد حسین نے اعلان کیا ہے
مارچ
شام کے ساتھ رابطے کے لیے عرب ممالک کے سیاسی اقدامات
?️ 24 جنوری 2023سچ خبریں:سعودی عرب کے وزیر خارجہ فیصل بن فرحان کے شامی حکومت
جنوری
امریکی ریپبلکن اور کابل کے خلاف نئے پابندیوں کا بل
?️ 2 جون 2023سچ خبریں:امریکی میڈیا نے اعلان کیا ہے کہ اس ملک کی سینیٹ
جون