عراق کی مزاحمتی قوتوں نے ایلات کی بندرگاہ پر ایک اہم ہدف کو نشانہ بنایا

4 جون 2024

سچ خبریں: عراق کی اسلامی مزاحمت نے فلسطین کے مقبوضہ علاقوں میں ایلات کی بندرگاہ پر ایک اہم اور حساس ہدف کو نشانہ بنایا۔

المیادین نیوز ایجنسی کی رپورٹ ک مطابق عراق کی اسلامی مزاحمت نے ایک بیان جاری کرتے ہوئے مقبوضہ علاقوں کے جنوب میں ایلات کی بندرگاہ پر دوبارہ حملہ کرنے کا اعلان کیا اور کہا کہ ہم نے کئی ڈرونز کے ذریعے مقبوضہ فلسطین کی ایلات بندرگاہ میں ایک اہم ہدف پر حملہ کیا ہے۔

یہ بھی پڑھیں: حقیقت میں بدلنے والا صیہونیوں کا ڈراؤنا خواب

واضح رہے کہ یہ پہلا موقع نہیں ہے کہ غزہ میں جنگ کے جاری رہنے کے دوران عراق کی اسلامی مزاحمتی تحریک نے مقبوضہ فلسطین میں واقع ایلات بندرگاہ جیسے اہداف کو نشانہ بنایا ہو۔

عراق کی اسلامی مزاحمت نے اس حملے کی تصدیق کرتے ہوئے ایک بیان میں کہا کہ ہم نے غزہ کے لوگوں کی حمایت اور صیہونی حکومت کے جرائم کے جواب میں مقبوضہ فلسطین میں ایک اہم ہدف کو نشانہ بنایا ہے، عراق کی اسلامی مزاحمت کے مطابق انہوں نے مقبوضہ بندرگاہ ام الرشراش پر حملہ کیا ہے۔

مزید پڑھیں: مزاحمتی تحریک کے ہتھیار کیا کر رہے ہیں اور صیہونیوں کی حالت زار؛ سید حسن نصراللہ کی زبانی

عراقی اسلامی مزاحمت نے دشمن کے مقامات کو تباہ کرنے کے لئے اپنی کارروائیوں کو جاری رکھنے پر زور دیا ہے۔