?️
سچ خبریں:واشنگٹن ڈی سی میں ایف بی آئی کے دفتر کے قریب اسرائیلی سفارت کے اہلکاروں پر فائرنگ کا واقعہ، دو ہلاک، متعدد زخمی۔ ملزم الیاس رودریگز گرفتار، فلسطین کے حق میں نعرے۔ سکیورٹی اقدامات سخت، امریکی و اسرائیلی حکام کا ردعمل۔
روئٹرز نیوز ایجنسی کی رپورٹ کے مطابق امریکی دارالحکومت واشنگٹن ڈی سی میں واقع موزه یہود کے باہر فائرنگ کے افسوسناک واقعے میں اسرائیلی سفارت خانے کے دو اہلکار ایک مرد اور ایک خاتونجاں بحق اور متعدد زخمی ہو گئے، یہ واقعہ ایک ایسے علاقے میں پیش آیا جہاں ایف بی آئی کا علاقائی دفتر اور متعدد سرکاری عمارتیں واقع ہیں، جس کے باعث سیکورٹی انتظامات مزید سخت کر دیے گئے ہیں۔
یہ بھی پڑھیں:صیہونی حکومت سے عالمی بیزاری کا اظہار اپنے عروج پر
پولیس کے مطابق، فائرنگ اس وقت ہوئی جب اسرائیلی سفارت کے اہلکار موزه یہود سے ایک تقریب کے بعد باہر نکل رہے تھے۔ حملہ آور نے قریب سے ان پر گولی چلائی،عینی شاہدین کے مطابق، 30 سالہ حملہ آور الیاس رودریگزجو شیکاگو کا رہائشی ہے ،فائرنگ سے پہلے علاقے میں مشکوک طور پر گھوم رہا تھا اور اس وقت نیلی جیکٹ پہنے ہوئے تھا۔
فوری کارروائی کے بعد پولیس نے ملزم الیاس رودریگز کو گرفتار کر لیا۔ گرفتاری کے وقت اور دورانِ تفتیش وہ بار بار فلسطین کو آزاد کرو کے نعرے لگاتا رہا اور کہا کہ اس نے یہ حملہ غزہ کے عوام کے لیے کیا،امریکی میڈیا کے مطابق، ملزم سے تفتیش جاری ہے جبکہ علاقے کی نگرانی مزید سخت کر دی گئی ہے۔
واقعہ ایف بی آئی واشنگٹن فیلڈ آفس کے قریب پیش آیا، جس کے فوراً بعد پولیس نے متعدد سڑکیں بند کر دیں اور جارج ٹاؤن یونیورسٹی کے اردگرد ایمرجنسی نافذ کر دی،مقامی حکام نے دیگر ممکنہ حملہ آوروں کی تلاش بھی شروع کر دی ہے اور واشنگٹن بھر میں سفارتی و یہودی مراکز کی سیکورٹی بڑھا دی گئی ہے۔
اسرائیل کے اقوام متحدہ میں سفیر دنی دانون نے واقعے کو یہود مخالف دہشت گردی قرار دیا جبکہ امریکی صدر ڈونلڈ ٹرمپ نے اسے ہولناک قرار دیتے ہوئے کہا کہ نفرت انگیزی اور انتہا پسندی کی امریکہ میں کوئی جگہ نہیں۔
امریکی وزیرِ داخلی سلامتی کریستی نوم نے کہا، ہم اس مجرم کو اس کے انجام تک پہنچائیں گے،اسرائیلی صدر اسحاق ہرتزوگ اور وزیر خارجہ نے بھی واقعے پر گہرے دکھ کا اظہار کیا اور امریکہ سے مکمل تعاون کا مطالبہ کیا،امریکی و اسرائیلی حکام کے مطابق، موجودہ حالات میں سفارتی عملے کو پہلے سے زیادہ خطرات لاحق ہیں۔
مزید پڑھیں:کیا صیہونیوں کے لئے امریکہ کچھ کر سکتا ہے ؟
پولیس اور ایف بی آئی نے واقعے کی تفتیش کا آغاز کر دیا ہے۔ مقامی اور وفاقی ادارے مسلسل رابطے میں ہیں جبکہ فیلڈ آفس سمیت اہم مقامات پر سیکورٹی ہائی الرٹ ہے،مقامی میڈیا کے مطابق، ملزم کے کسی گروہ سے تعلق کی بھی تفتیش کی جا رہی ہے۔
Short Link
Copied


مشہور خبریں۔
کل جماعتی حریت کانفرنس آزاد جموں وکشمیر شاخ کا بھارتی مظالم کا شکار کشمیری خواتین کو خراج تحسین
?️ 8 مارچ 2024اسلام آباد: (سچ خبریں) کل جماعتی حریت کانفرنس آزاد جموں کشمیر شاخ
مارچ
فرانس میں نئے احتجاجات اور ہنگاموں کا خدشہ
?️ 31 اکتوبر 2026سچ خبریں: فرانس نے ممکنہ ہنگاموں اور احتجاجات کو روکنے کے لیے
اکتوبر
لاہور ہائی کورٹ نے پنجاب پولیس کو عمران خان کو ہراساں کرنے سے روک دیا
?️ 18 اپریل 2023لاہور: (سچ خبریں) لاہور ہائیکورٹ نے پنجاب پولیس کو عمران خان کو
اپریل
صدر مملکت نے سپریم کورٹ کے جسٹس اعجاز الاحسن کا استعفیٰ منظور کرلیا
?️ 12 جنوری 2024اسلام آباد: (سچ خریں) صدر مملکت ڈاکٹر عارف علوی نے سپریم کورٹ
جنوری
اسرائیلی مورخ: ایران کے خلاف جنگ، نتن یاہو کی مدد کے لیے ایک سیاسی اقدام
?️ 31 مئی 2026 سچ خبریں: اسرائیلی مورخ "ایلان پاپے” نے ایران کے خلاف جنگ کا
مئی
صہیونی ریاست کا غزہ کے نصف حصے پر قبضے کا منصوبہ
?️ 12 اپریل 2025 سچ خبریں:ایک عبرانی ذرائع نے صہیونی فوج کے غزہ پٹی کے
اپریل
افغانستان کی شام اور ترکی کے زلزلہ متاثرین کے لیے امداد
?️ 8 فروری 2023سچ خبریں:طالبان کی عبوری حکومت کی وزارت خارجہ نے اپنے پیغام میں
فروری
سعودی عرب میں نماز کے وقت تجارتی مراکز بند رکھنے کی پابندی کو ختم کردیا جائے گا
?️ 23 جون 2021جدہ (سچ خبریں) سعودی عرب میں نماز کے وقت تمام تجارتی مراکز
جون