45 سال بعد بھی مصریوں کی ہم سے نفرت میں کمی نہیں آئی: صیہونی سیاسی تجزیہ نگار

?️ 7 جون 2023

سچ خبریں:ایک صیہونی سیاسی تجزیہ نگار نےصیہونی حکومت اور مصر کے درمیان امن معاہدے پر دستخط کے باوجود صیہونیوں کے خلاف مصری عوام کی نفرت میں اضافے کی طرف اشارہ کیا۔

انٹر ریجنل اخبار رائے الیوم کی رپورٹ کے مطابق صیہونی حکمران جماعت کے قریبی اخبار اسرائیل ہیوم نے صیہونی سیاسی تجزیہ نگار ایریل کہانا کا ایک تجزیہ شائع کیا ہے جس میں انہوں نے لکھا ہے کہ تل ابیب اور قاہرہ کے درمیان امن معاہدے کو چار دہائیوں سے زیادہ عرصہ گذر چکا ہے تاہم صیہونیوں کے خلاف مصری عوام کی نفرت میں کمی نہیں آئی ہے۔

رپورٹ کے مطابق مصر اور صیہونی حکومت کے درمیان کیمپ ڈیوڈ امن معاہدے پر دستخط کے 45 سال گزرنے کے باوجود یہ معاہدہ اپنے مطلوبہ نتائج حاصل نہیں کرسکا ہے،کہانا نے مصر اور مقبوضہ علاقوں کی مشترکہ سرحد پر مصری فوجی محمد صلاح کی کاروائی اور تین صیہونی فوجیوں کی ہلاکت کی طرف اشارہ کرتے ہوئے لکھا ہے کہ اس آپریشن سے جو سبق سیکھا جا سکتا ہے وہ یہ ہے کہ قاہرہ اور تل کے درمیان سکیورٹی اور سیاسی تعاون کے باوجود مصری عوام صیہونی حکومت سے نفرت کرتے ہیں اور یہ نفرت بدستور جاری ہے بلکہ اس میں مزید اضافہ ہوا ہے کیونکہ یہ اپنی نوعیت کا پہلا آپریشن نہیں تھا بلکہ حالیہ دہائیوں میں بھی اس طرح کی کاروائیاں ہو چکی ہیں۔

صہیونی صحافی یونی بن مناحیم نے بھی کہا کہ مصر اور اردن کی سکیورٹی سروسز میں مسلم اور دنیدار فورسز کی موجودگی امن معاہدے کو خطرے میں ڈال رہی لہذا تل ابیب کو مذکورہ اداروں میں ان مذہبی افکار کو ختم کرنا ہو گا جیسا اس نے فلسطینی اتھارٹی کے ساتھ کیا تھا۔