سچ خبریں:روسی وزارت خارجہ کی ترجمان ماریا زاخارووا نے یوکرین کے صدر ولادیمیر زیلنسکی کی جانب سے اس ملک کے 13 آرتھوڈوکس پادریوں کی شہریت منسوخ کرنے کے فیصلے کو کو شیطانیت قرار دیا۔
زاخارووا نے زیلنسکی کے فرمان کے جواب میں کہا کہ اور یہ کام آرتھوڈوکس کرسمس کے جشن کے دوران ہوا یہ خالص شیطانیت ہے۔
یوکرائنی لیوی برگ کی اشاعت نے معتبر ذرائع کا حوالہ دیتے ہوئے اعلان کیا کہ زیلنسکی نے آرتھوڈوکس چرچ کے 13 پادریوں کی شہریت منسوخ کرنے کے حکم نامے پر دستخط کیے ہیں۔
نومبر 2022 سے یوکرین کے قانون نافذ کرنے والے افسروں نے ملک میں آرتھوڈوکس گرجا گھروں پر کئی بار چھاپے مارے ہیں۔ یوکرین کی سیکیورٹی سروس نے دعویٰ کیا کہ ان چھاپوں میں انہوں نے روس نواز تحریریں اور کتابیں اور کافی مقدار میں نقدی کے ساتھ ساتھ یوکرین کے وجود سے انکاری تحریریں اور مضامین ضبط کیے ہیں۔ اس کے علاوہ کئی پادریوں پر کیف حکومت کے خلاف غداری، تخریب کاری اور پروپیگنڈے کے الزامات بھی عائد کیے گئے ہیں۔
یکم دسمبر 2022 کو زیلنسکی نے یوکرین کی مذہبی تنظیموں کی بعض مخصوص سرگرمیوں پر قومی سلامتی اور دفاعی کونسل کی قرارداد کو نافذ کرنے کے ساتھ ساتھ ذاتی اقتصادی پابندیوں اور دیگر پابندیوں کے نفاذ کے لیے ایک حکم نامہ جاری کیا جن کا خاص مقصد آرتھوڈوکس چرچ کی سرگرمیوں کو محدود کرنا تھا۔
ایک اور اقدام میں انہوں نے یوکرین کی پارلیمنٹ کو حکم دیا کہ وہ”روسی فیڈریشن میں اثر و رسوخ کے مراکز سے وابستہ مذہبی تنظیموں پر پابندی کے لیے ایک بل تیار کر کے پیش کرے۔ اس فیصلے کا مقصد یوکرین کے مذہبی حلقوں اور مراکز میں روسی اسپیشل سروس کی تخریبی سرگرمیوں کی نشاندہی اور ان کا مقابلہ کرنے کے لیے اقدامات کو تیز کرنا ہے اور ساتھ ہی یوکرائنی آرتھوڈوکس چرچ کے چارٹر کی چھان بین کرنا ہے تاکہ ان اداروں کے تعلق کے آثار دریافت کیے جا سکیں۔
