یمن بحران کے سلسلہ میں امریکہ اور سعودی حکام کو ایک بار پھر ناکامی

🗓️ 5 مئی 2021

سچ خبریں:عنقریب مکمل طور پر آزاد ہونے والےصوبہ مأرب میں صنعا افواج کی پیشقدمی اور کامیابی سےہراساں ہو کر امریکہ اور اقوام متحدہ کے سفیر میدان میں شکست کے کے خوف سےمذاکرات کرنے کے لئے خالی ہاتھ عمان گئے تھے ، انھیں خالی ہاتھ ہی واپس آنا پڑا۔
ذرائع ابلاغ کی رپورٹ کے مطابق یمن بحران کے سلسلہ میں ریاستہائے متحدہ ، سعودی عرب اور اقوام متحدہ کے نمائندوں نے عمان کے دارالحکومت مسقط کے اپنے حالیہ دورے کے دوران کوئی نئی تجاویز پیش نہیں کیں بلکہ صرف گذشتہ تجاویز کو ہی دہرایا ،صنعانے ان تجاویز کو پہلی بار صوبہ مأرب کے میدان جنگ میں شکست سے فرار کے طور پر دیکھتا ہے اور دوسری بار جنگ کو روکنے کے امریکی داخلی دباؤ سے نجات حاصل کرنے کی کوشش کے طور پر دیکھتا ہے۔

اس سلسلہ میں لبنانی روزنامہ الاخبار نے یمنی بحران میں تازہ ترین سفارتی پیشرفتوں کے بارے میں خبر دی اور لکھا کہ امریکہ ، برطانیہ اور سعودی عرب یمن کی موجودہ جنگ کا حل تلاش کرنے کے لئے سیاسی اور سفارتی کوششیں کررہے ہیں کیونکہ اس ملک کے موجودہ صورتحال ان ممالک میں سے کسی کے مفاد میں نہیں ہے،لبنانی اخبار کا مزید کہنا ہے کہ مسقط میں کل کی بات چیت کے دوران ، امریکی سفیر ٹم لینڈرکنگ اور یمن میں اقوام متحدہ کے مندوب مارٹن گریفتیس کے ذریعہ پچھلے سارے منصوبوں کا اعادہ کیا گیا جن ایک طرف فوجی ذرائع کے خاتمے پر زور دیا گیا جس میں صنعا کی بالا دستی ہے اور دوسری طرف یمن میں معاشی اور سیاسی میکانزم کو چالو کرنے پر زور دیا گیا ہے جس میں جارحیت پسندوں کا پلڑا بھاری ہے۔

الاخبار نے لکھا کہ ایسے دعوے کیے گئے ہیں کہ واشنگٹن سمیت متحارب فریق ایک ایسے سیاسی ماڈل کی تلاش میں ہیں جو سعودی عرب کے باقی اختیارات اور وقار کو برقرار رکھے گا، لیکن سیاسی واقعات اور مذاکراتی عمل ان دعوؤں کی مکمل تردید کرتے ہیں کیوں کہ امریکہ اور سعودی مذاکرات کی بنیاد سعودی عرب کے تسلط اور ان مطالبات کو مسلط کرنے کی کوشش پر مبنی ہے جو یہ ممالک یمن میں فوجی کاروائیوں کے ذریعے حاصل نہیں کرسکے اور اب سیاسی گفت و شنید اور سفارتکاری کے ذریعے اس کو حاصل کرنے کی کوشش کررہے ہیں۔