یحیی سنوار کی پیشگوئی درست ثابت ہو رہی ہے:سابق اسرائیلی فوجی اہلکار

رپورٹ کے مطابق اسرائیلی فوج کے سابق آپریشنز چیف یسرائیل زیو نے اعتراف کیا ہے کہ سنوار کی پیشگوئی درست ثابت ہو رہی ہے۔ ان کے بقول اسرائیل کی جنگ اب غیر قانونی شکل اختیار کر چکی ہے اور دنیا بھر میں اس کی ساکھ تیزی سے گر رہی ہے۔

انہوں نے کہا کہ عالمی رائے عامہ ہمارے خلاف ہو رہی ہے اور دوست ممالک کی حمایت میں بھی کمی آ رہی ہے۔ زیو نے مزید کہا کہ یہ بعید نہیں کہ سنوار کی خواہش کے مطابق اقوام متحدہ میں آزاد فلسطینی ریاست کا اعلان کیا جائے۔

ان کا کہنا تھا کہ اگرچہ سنوار اب زندہ نہیں رہے، لیکن وہ اپنی جدوجہد کے ذریعے اب بھی صہیونی حکومت پر ایک بڑی کامیابی حاصل کر چکے ہیں۔

اسی حوالے سے اسرائیلی اخبار اسرائیل ہیوم میں لکھنے والے صہیونی تجزیہ کار یوآو لیمور نے بھی اعتراف کیا کہ یحییٰ سنوار نے اسرائیل کے قیام کے بعد سے سب سے بڑی شکست اس پر مسلط کی۔

لیمور نے مزید کہا کہ سنوار نے اسرائیل کو دو اہم اسباق سکھائے: پہلا یہ کہ دشمن کی طاقت کو کبھی کم نہ سمجھا جائے اور دوسرا یہ کہ غزہ کے مجاہدین اپنی سادگی کے باوجود نہایت تربیت یافتہ اور ہوشیار ہیں۔