?️
یحیی السنوار قید و بند سے شہادت تک
معروف محققہ ڈاکٹر اسماء عبدالوهاب الشہاری نے اپنے تازہ مضمون میں فلسطینی مزاحمتی تحریک کے ممتاز رہنما یحیی السنوار کی زندگی، جدوجہد اور فکری میراث پر تفصیلی روشنی ڈالی ہے۔ انہوں نے السنوار کو ایک ایسے قائد اور مجاہد کے طور پر پیش کیا ہے جس کی زندگی قربانی، ایمان اور عزم کی علامت تھی۔
ڈاکٹر الشہاری کے مطابق، یحیی السنوار نے اپنی زندگی کے ۲۵ سال اسرائیلی جیلوں میں گزارے، مگر قید و بند کی صعوبتیں اس کے حوصلے کو توڑ نہ سکیں۔ وہ ہر لمحہ آزادی، مزاحمت اور شہادت کی آرزو میں جیتے رہے۔ ان کی شخصیت ایمان، شجاعت اور قیادت کا حسین امتزاج تھی ایک ایسا شخص جو دشمن کے مقابل ڈٹا رہا اور اپنی قوم کی عزت و حرمت کے دفاع میں جان قربان کر دی۔
ابو ابراہیم کے نام سے معروف السنوار، فلسطینی مزاحمت کے میدان میں ایک ناقابلِ فراموش نام بن چکے ہیں۔ وہ طوفان الاقصیٰ کے معماروں میں سے تھے — وہی آپریشن جس نے اسرائیل کے نظامِ دفاع کو ہلا کر رکھ دیا اور تل ابیب کو بدترین سکیورٹی بحران میں مبتلا کر دیا۔
ڈاکٹر الشہاری لکھتی ہیں کہ السنوار ایک ایسے کمانڈر تھے جنہوں نے دشمن کو اس کے ہی میدان میں شکست دینے کی حکمتِ عملی تیار کی۔ جب اسرائیلی افواج اسے زمین کے نیچے تلاش کر رہی تھیں، وہ زمین کے اوپر دشمن کے خلاف محاذ سنبھالے ہوئے تھا۔ اس کے منصوبے انتقام یا غصے پر مبنی نہیں تھے، بلکہ وہ دینِ خدا، مقدسات اور مظلوم قوم کے دفاع کے لیے لڑ رہا تھا۔
شہید السنوار کی بہادری، عزم اور قیادت نے دشمن کے دلوں میں خوف پیدا کر دیا تھا۔ اسرائیلی افواج نے بارہا اس پر حملے کیے، مگر وہ ہمیشہ میدان میں ڈٹا رہا۔ آخرکار جب دشمن نے بھاری توپخانے اور فضائی بمباری کا سہارا لیا، تب جا کر وہ شہید ہوا — وہ لمحہ جب دشمن نے احساس کیا کہ یہ وہی شخص تھا جس نے انہیں برسوں تک شکست اور ذلت کا مزہ چکھایا۔
ڈاکٹر الشہاری کے مضمون کا ایک اہم حصہ السنوار کے رؤیا اور خوابوں سے متعلق ہے۔ ان کے بقول، یحیی السنوار نے قید کے دوران ایک خواب میں خود کو دشمن پر وار کرتے اور پھر شہادت پاتے دیکھا، اور اس کے بعد خود کو رسولِ اکرم ص کے حضور جنت میں پایا، جہاں نبیِ کریم ص نے فرمایا مرحىً بک، مرحىً بک، هنیئاً لک خوش آمدید، تم پر سلامتی ہو، تمہیں مبارک ہو۔
ڈاکٹر اسماء الشہاری کے مطابق، یہ خواب صرف ایک ذاتی تجربہ نہیں تھا بلکہ ایک روحانی بشارت تھی جو اس کے ایمان اور ثابت قدمی کی گہرائی کو ظاہر کرتی ہے۔
یحیی السنوار صرف ایک کمانڈر نہیں، بلکہ مقاومت کی علامت تھے۔ ان کی زندگی اس حقیقت کی گواہی دیتی ہے کہ ایمان، عزم اور قربانی کے ساتھ لڑنے والا شخص قید میں بھی آزاد رہتا ہے۔
اسلام ٹائمز کے مطابق، ڈاکٹر الشہاری کا یہ مضمون نہ صرف ایک تاریخی شخصیت کی سوانح ہے، بلکہ مزاحمت کے فلسفے اور انسانی وقار کے دفاع کی داستان بھی ہے — ایک ایسی داستان جو آنے والی نسلوں کے لیے مشعلِ راہ بن سکتی ہے۔
Short Link
Copied
مشہور خبریں۔
عام انتخابات: 3 ہزار 200 سے زائد امیدواروں کے کاغذات نامزدگی مسترد
?️ 2 جنوری 2024اسلام آباد:(سچ خبریں) آئندہ ماہ 8 فروری کو عام انتخابات کے انعقاد
جنوری
افغان طالبان سے ملاقات پر بھارت پر کڑی تنقید
?️ 30 جون 2021اسلام آباد(سچ خبریں) وزیر اعظم کے مشیر برائے قومی سلامتی ڈاکٹر معید
جون
چینی اسٹارٹ اپ ’ڈیپ سیک‘ پر اچانک مقبولیت کے بعد سائبر حملہ
?️ 28 جنوری 2025سچ خبریں: چینی اسٹارٹ اپ ڈیپ سیک نے کمپنی کے اے آئی
جنوری
یورپی یونین حزب اللہ کو دہشت گردوں کی فہرست میں ڈالے : امریکی کانگریس
?️ 30 جولائی 2022سچ خبریں: امریکی ایوان کی خارجہ امور کی کمیٹی نے یورپی یونین
جولائی
ترکی کی کون سے کمزوری عراق کے ہاتھ میں ہے؟
?️ 24 جون 2023سچ خبریں:عراق کے آبی وسائل کے وزیر نے عراق میں پانی کے
جون
یمنی حملے کے بعد فلسطینی دیواروں پر صیہونیوں کے لیے پیغام
?️ 16 ستمبر 2024سچ خبریں: یمنی افواج کی جانب سے تل ابیب پر ایک Supersonic
ستمبر
نیتن یاہو کا غزہ پر قبضے کا منصوبہ؛ تفصیلات اور ردعمل
?️ 9 اگست 2025سچ خبریں: صہیونی ریاست کے وزیر اعظم بنجمن نیتن یاہو کے دفتر نے
اگست
پاکستان میں ایکس کی سروس تاحال بند
?️ 1 مارچ 2024اسلام آباد: (سچ خبریں) پاکستان بھر میں مائکرو بلاگنگ ویب سائٹ ایکس
مارچ