ہندوستان کے25 کروڑ مسلمان مظلوم اقلیت میں تبدیل ہو کر رہ گئے ہیں:امریکی دانشور

🗓️ 15 فروری 2022

سچ خبریں:معروف امریکی دانشور نوآم چومسکی کا کہنا ہے کہ ہندوستان میں اسلامو فوبیا اس حد تک بڑھ چکا ہے کہ اس ملک کے25 کروڑ مسلمانوں کو مظلوم بنا دیا گیا ہے۔
اے پی پی کی رپورٹ کے مطابق عروف امریکی دانشور نوآم چامسکی نے واشنگٹن میں انڈین امریکن مسلم کاؤنسل کے ویبنار میں خطاب کرتے ہوئے کہا کہ اسلاموفوبیا کے رجحان میں جہاں پورے مغرب میں اضافہ ہو رہا ہے وہیں ہندوستان میں یہ مہلک ترین شکل اختیار کر رہا ہے،انہوں نے کہا کہ ہندوستانی وزیر اعظم نریندرا مودی کی دائیں بازو کی ہندو قوم پرست حکومت کے دور میں ہندوستان کے میں جرائم میں تیزی سے اضافہ ہوا ہے۔

نوآم چومسکی نے کہا کہ جنوبی ایشیا کی صورت حال اس حوالے سے دردناک ہے کہ وہاں انسانی حقوق، بین الاقوامی قوانین کی خلاف ورزی اور تشدد کو فروغ دیا جا رہا ہے جبکہ جنوبی ایشیا کے مصائب و مشکلات کو فوری حل کرنے کی امید و مواقع موجود ہیں جن سے فوری طور پر فائدہ اٹھانے کی ضرورت ہے اس سے پہلے کی دیر ہو جائے۔

واضح رہے کہ نوآم چومسکی کے ساتھ ساتھ دیگر کئی سماجی رہنماؤں اور ماہرین نے بھی ہندوستان میں نفرت انگیز تقاریر اور جرائم سے بدتر ہوتے حالات سے متعلق اس ویبنار میں حصہ لیا۔