سچ خبریں: غزہ میں صیہونی جرائم کے تسلسل میں نیتن یاہو نے کل سے اسرائیل میں جنگی حالات کا اعلان کرنے کی بات کی جب کہ فلسطینی وزارت صحت نے غزہ کی پٹی میں شہداء کی تعداد 1100 سے زائد ہونے کی خبر دی ہے۔
غزہ کی پٹی میں فلسطینی وزارت صحت نے اعلان کیا ہے کہ صیہونی حکومت کے وحشیانہ حملوں میں شہید ہونے والوں کی تعداد 1128 اور زخمیوں کی تعداد 5489 ہو گئی ہے۔
یہ بھی پڑھیں: غزہ شہدا کے تازہ ترین اعداد و شمار
اس وزارت کے مطابق مغربی کنارے میں 28 فلسطینی شہید اور 150 زخمی ہوئے۔
درایں اثنا جرمن وزارت دفاع کے ایک باخبر فوجی ذریعے نے بدھ کے روز اسپیگل میگزین کی ایک رپورٹ کی تصدیق کرتے ہوئے روئٹرز کو بتایا کہ جرمنی نے اسرائیل کو غزہ میں مزاحمتی فورسز کے خلاف حملوں کے لیے اپنے دو ہیرون ٹی پی جنگی ڈرون استعمال کرنے کی اجازت دے دی ہے۔
اس رپورٹ کے مطابق، جرمن فوجی اہلکار نے، جس نے نام ظاہر کرنے سے انکار کیا، بدھ کی شب اس خبر کی تصدیق کرتے ہوئے کہا کہ صیہونی حکومت نے برلن سے طبی سازوسامان حاصل کرنے اور جرمن اسپتالوں میں زخمیوں کے علاج کی درخواست کی ہے۔
مزید پڑھیں: غزہ کے شہداء کا بدلہ ضرور لیں گے:حماس
اقوام متحدہ کے ترجمان اسٹیفن ڈوجارک نے بھی اس تنظیم کے سکریٹری جنرل انتونیو گوٹیریس کے حوالے سے بتایا کہ غزہ پر صہیونی فوج کے حملوں میں ایک ہزار سے زائد رہائشی مکانات تباہ اور زمین بوس ہو گئے ہیں جس کے نتیجہ میں 263000 سے زائد افراد بے گھر ہو چکے ہیں۔