تخت شاہی پر بیٹھنے کے بعد بن سلمان کو درپیش خطرات

?️ 15 فروری 2022

سچ خبریں:سعودی عرب کے ولی عہد محمد بن سلمان نے اس ملک کے شاہی تخت تک پہنچنے کے لیے جو راستہ اختیار کیا ہے اس کی وجہ سے انھیں بہت سارے چیلنجز کا سامنا ہے۔
سعودی عرب کے فرمانروا شاہ سلمان بن عبدالعزیز کی جسمانی حالت کی خرابی کی خبروں اور سعودی ولی عہد شہزادہ محمد بن سلمان کے خلیج فارس کے ممالک کے حالیہ دورہ کے بعد خطے کی تیز رفتاری سے بدلنے والی صورتحال کے ساتھ ساتھ مختلف اشارے مل رہے ہیں کہ نوجوان سعودی ولی عہد جلد سے جلد اپنے والد کے تخت پر براجمان ہونا چاہتے ہیں۔

سعودی عرب میں محمد بن سلمان کی حکومت کے امکان کے بارے میں افواہوں میں اس وقت اضافہ ہوا جب آل سعود کے راز افشا کرنے والے مشہور ٹویٹر اکاؤنٹ”مجتہد” نے ایک ٹویٹ میں اعلان کیا کہ اس ملک کا شاہی خاندان بن سلمان کی بادشاہت کے اعلان کی تیاری کر رہا ہے،تاہم سعودی ذرائع نے ابھی تک اس اعلان کا صحیح وقت نہیں بتایا۔

سعودی عرب کی حالیہ صورتحال اور اس کی خارجہ پالیسی کو تبدیل کرنے کی کوششوں کے ساتھ ساتھ بن سلمان کی مشکوک حرکات کی روشنی میں یہ نتیجہ اخذ کیا جا سکتا ہے کہ نوجوان سعودی ولی عہد کے دیرینہ خواب کو پورا کرنے کے بارے میں شائع ہونے والی خبریں سچ ہو سکتی ہیں۔

محمد بن سلمان نے گزشتہ چند ہفتوں میں خلیج فارس کے ممالک کا دورہ شروع کیا ، اپنی شبیہ کو بہتر بنانے یا علاقائی اور خارجہ پالیسی میں متحدہ عرب امارات سے پیچھے نہ رہنے جیسے بن سلمان کے سفر کے پیچھے محرکات کو چھوڑ کر متعدد شواہد سے پتہ چلتا ہے کہ سعودی ولی عہد کا اصل مقصد خود کو سعودی عرب کے سرکاری رہنما کے طور پر متعارف کرانا ہے۔

خلیج فارس کے دارالحکومتوں میں بن سلمان نے خارجہ امور پر متعدد مشترکہ بیانات جاری کیے جن میں لبنان اور اس ملک کے ساتھ تعلقات میں بحران بھی شامل ہے جن میں سے تمام عرب خلیجی ریاستوں کا ریاض کے ساتھ اتحاد کا اشارہ ہے، اسی مناسبت سے بعض مبصرین کا خیال ہے کہ محمد بن سلمان نے خلیج فارس کے شیخوں سے بیعت کی ہو گی تاکہ اگلے مرحلے میں اور ان کی بادشاہت کے اعلان کے بعد وہ ان کے ساتھ تعاون کریں۔

دوسری جانب سعودی عرب کے اس وقت اردن کے ساتھ خراب تعلقات ہیں اور ریاض کے مصر کے ساتھ تعلقات بھی کشیدگی کی صورتحال اختیار کرچکےہیں نیز سعودی عرب اور متحدہ عرب امارات کے تعلقات بہت سے رازوں کے باوجود بہت سرد ہیں۔

جبکہ ریاض کے قطر کے ساتھ بھی سطحی تعلقات ہیں اور الجزائر نیزمغرب کے کئی ممالک کے ساتھ ان کے تعلقات اچھی سطح پر نہیں ہیں، اس کے علاوہ ہم دیکھتے ہیں کہ سعودی عرب کے اسٹریٹجک اتحادی امریکی صدر جو بائیڈن نے محمد بن سلمان کے ساتھ ایک بار بھی ٹیلی فون پر بات نہیں کی۔