گینٹز کی نیتن یاہو سے سیاست چھوڑنے کی اپیل

🗓️ 5 مئی 2023

سچ خبریں:سابق صیہونی وزیر جنگ نے اس حکومت کے وزیر اعظم سے سیاست سے کنارہ کشی اختیار کرنے کا مطالبہ کرتے ہوئے کہا کہ نیتن یاہو انتہا پسندوں کے قبضے میں ہیں اور ان کے ذاتی حالات اور ہمارے عمومی حالات انتشار کا شکار ہیں۔

رشیا ٹودے کی رپورٹ کے مطابق گورمنٹ کیمپ کے نام سے مشہور صہیونی جماعت کے سربراہ بنی گینٹز نے صیہونی وزیر اعظم بنیامین نیتن یاہو کو شدید نتقید کا نشانہ بناتے ہوئے کہا کہ وہ اس حکومت کی قیادت کرنے کے اہل نہیں ہیں کیونکہ انہیں انتہا پسندوں نے اپنے قبضے میں کر رکھا ہے۔

گینٹز نے صیہونی ریڈیو Ynetکو انٹرویو دیتے ہوئے کہا کہ حکومت دیوالیہ ہو چکی ہے اور نیتن یاہو انتہا پسندوں کی پکڑ میں ہیں جبکہ ان کی ذاتی صورتحال اور ہماری قومی صورتحال پریشان کن اور افسوسناک ہے۔

نیتن یاہو کو جن عدالتی مقدمات کا سامنا ہے، ان کا حوالہ دیتے ہوئے گینٹز نے ان سے معاہدہ پر دستخط کرکے سیاسی زندگی سے دستبردار ہونے کو کہا،حکومت کے سیکورٹی رویے کے بارے میں جس میں وہ پہلے وزیر تھے تھے، گینٹز نے کہا کہ میں حکومت کو نہیں سمجھتا اور مجھے لگتا ہے کہ بہت سے لوگ ہیں جو میری طرح ہیں،میں حکومت کی تعریف کرنا چاہوں گا اور کہنا چاہوں گا کہ وہ اچھا کام کر رہی ہیں، لیکن بدقسمتی سے مجھے کچھ اچھا نہیں ملا۔

واضح رہے کہ گزشتہ اپریل کے آخر میں شائع ہونے والے ایک سروے کے مطابق گینٹز کی سربراہی والی گورنمنٹ کیمپ پارٹی کی پوزیشن اب بھی دو جماعتوں یش عتید اور لیکوڈ کے ساتھ مقابلے میں بہتر ہو رہی ہے جس کی سربراہی یائر لاپڈ اور نیتن یاہو کی سربراہی کر رہے ہیں۔