کیا سلامتی کونسل غزہ میں جنگ بندی کروا سکتی ہے؟

🗓️ 24 مارچ 2024

سچ خبریں: غزہ کی پٹی میں جنگ بندی کی قرارداد کے مسودے پر ووٹنگ کے لیے ہونے والا سلامتی کونسل کا اجلاس روس اور چین کی طرف سے امریکہ کی پیش کردہ قرارداد کی مخالفت کے بعد پیر تک ملتوی کر دیا گیا۔

الجزیرہ نیوز چینل کی رپورٹ کے مطابق ایجنسی فرانس پریس نے سفارتی ذرائع کے حوالے سے اعلان کیا ہے کہ غزہ میں جنگ بندی کی قرارداد کے مسودے پر سلامتی کونسل میں ووٹنگ جو ہفتہ ہونا تھی،پیر تک ملتوی ہو گئی ہے۔

یہ بھی پڑھیں: اسرائیل کا غزہ میں فلسطینیوں کو اجتماعی سزا دینے کا کوئی جواز نہیں:اقوام متحدہ

اس رپورٹ کے مطابق سفارتی ذرائع نے اعلان کیا ہے کہ اقوام متحدہ کی سلامتی کونسل نے اس کونسل کے سات غیر مستقل رکن ممالک کی طرف سے ماہ رمضان کے دوران غزہ میں جنگ بندی کے حوالے سے پیش کردہ قرارداد کے مسودے پر ووٹنگ ملتوی کر دی ہے۔

ذرائع نے مزید کہا کہ قرارداد کے مسودے پر ووٹنگ کا التوا واشنگٹن کے مذاکرات میں داخل ہونے کے بعد ہوا۔

واضح رہے کہ روس اور چین نے امریکہ کی جانب سے پیش کی گئی قرارداد کے مسودے کو ویٹو کردیا جس میں غزہ کی پٹی میں عارضی جنگ بندی کا مطالبہ کیا گیا تھا۔

مزید پڑھیں: غزہ میں جنگ بندی سے امریکہ کی ہچکچاہٹ پر روس کی تنقید

مخالفین نے اس مسودے کو سیاسی قرار دیا، جو فلسطینی قوم کا قتل عام جاری رکھنے کے لیے اسرائیل کے ہاتھ آزاد چھوڑ دیتا ہے۔