پوپ فرنسس کا یمن اور فلسطین کے مسائل پر عالمی خاموشی اور بے حسی پر انتباہ

?️ 25 دسمبر 2021

سچ خبریں:کیتھولک دنیا کے رہنما پوپ فرنسس نےاپنے کرسمس پیغام میں دنیا بھر میں بڑی آفات کے پیش نظر بحرانوں ختم نہ کیے جانے بلکہ ان پرخاموشی اختیار کرنے کے بارے میں خبردار کیا۔
روئٹرز خبررساں ادارے کی رپورٹ کے مطابق کیتھولک دنیا کے رہنما پوپ فرانسس نے ہفتہ (آج) کو خبردار کیا کہ بین الاقوامی براداری دنیا کے مختلف حصوں میں ہونے والے سانحات سے لاتعلق رہنے سے گریز کرے،رپورٹ کے مطابق پوپ نے اپنے کرسمس پیغام میں عالمی برادری کے درمیان انفرادیت عا م ہونے اور سماجی میل جول سے گریز کی شکایت کرتے ہوئے کہا کہ اس طرح الاقوامی سطح پر بات چیت سے گریز کا خطرہ پیدا ہوسکتاہےنیز یہ خطرہ ہے کہ موجودہ پیچیدہ بحران مذاکرات کی راہ پر گامزن ہونے کی بجائے مزید لمبے ہوجائیں جبکہ صرف تعامل کا راستہ ہی تنازعات کے حل کی طرف لے جا سکتا ہے اور سب کے لیے دیرپا فائدے پیدا کر سکتا ہے۔

انہوں نے یمن، مقبوضہ فلسطین، افغانستان، یوکرائن، سوڈان اور دنیا کے دیگر حصوں میں تنازعات کا ذکر کرتے ہوئے کہاکہ ہم اب بھی بڑی تعداد میں تنازعات، بحرانوں اور مخالفتوں کا مشاہدہ کر رہے ہیں، گویا ان کا کوئی خاتمہ نہیں ہے۔

کیتھولک رہنما نے مزید کہاکہ ہم ان بحرانوں کے اتنے عادی ہوچکے ہیں کہ بڑی سے بڑی آفات بھی خاموشی سے گزر جاتی ہیں اور ہمیں خطرہ ہے کہ اپنے بہت سے بھائیوں اور بہنوں کی تکالیف کی فریاد نہ سن سکیں۔

پوپ فرانسس نے سینٹ پیٹرز باسیلیکا سے اپنی دو صفحات پر مشتمل تقریر کے مختلف حصوں میں گیارہ بار لفظ بات چیت کا استعمال کیا، اور خدا سے یوکرائن میں طویل تنازعہ کو روکنےکی دعا بھی کی۔