پاکستان اور امریکا کے درمیان تجارتی معاہدوں پر دستخط ہوئے

پاکستان اور امریکہ کے درمیان کرتی معاہدوںئی ماہ کی بات چیت اور ٹرمپ انتظامیہ کی جانب سے پاکستان پر عائد کردہ تجارتی محصولات کے بعد، دونوں ممالک نے ایک اہم تجارتی معاہدے پر دستخط کر دیے ہیں۔ پاکستانی حکام کے مطابق، یہ معاہدہ دوطرفہ تجارتی محصولات میں کمی، سرمایہ کاری کے فروغ اور توانائی کے شعبے میں باہمی تعاون کی نئی راہیں کھولے گا۔

پاکستان کے وزیر خزانہ محمد اورنگزیب نے واشنگٹن سے ایک بیان جاری کرتے ہوئے بتایا کہ یہ معاہدہ امریکی وزیر تجارت ہوارڈ لوتنیگ اور امریکہ کے خصوصی تجارتی ایلچی جیمیسون گریر کے ساتھ دستخط ہوا ہے۔

ادھر، سابق امریکی صدر ڈونلڈ ٹرمپ نے اپنی سوشل میڈیا ویب سائٹ "ٹروتھ سوشل” پر لکھا کہ "ہم نے پاکستان کے ساتھ ایک معاہدہ کیا ہے جس کے تحت دونوں ممالک پاکستان کے تیل کے بڑے ذخائر کی ترقی میں تعاون کریں گے۔” ٹرمپ نے مزید کہا کہ امریکہ اب اس کمپنی کا انتخاب کر رہا ہے جو اس منصوبے کی قیادت کرے گی۔ "کیا پتہ، شاید ایک دن پاکستان بھارت کو بھی تیل برآمد کرے۔”

پاکستانی وزارت خزانہ نے اس معاہدے کو دوطرفہ تجارتی تعلقات میں اہم پیش رفت قرار دیتے ہوئے کہا ہے کہ اس کا مقصد دونوں ممالک کے درمیان تجارت، سرمایہ کاری، اور مختلف شعبوں میں تعاون کو فروغ دینا ہے۔ معاہدے سے پاکستان کی امریکی منڈیوں تک رسائی بڑھے گی، خاص طور پر پاکستانی مصنوعات کی برآمدات پر محصولات میں کمی واقع ہوگی۔

پاکستانی حکام نے امید ظاہر کی ہے کہ یہ معاہدہ نہ صرف توانائی، معدنیات، اور ڈیجیٹل معیشت جیسے شعبوں میں نئی سرمایہ کاری کا باعث بنے گا بلکہ امریکی کمپنیوں کو پاکستان میں بنیادی ڈھانچے کے منصوبوں میں شامل ہونے کے مواقع بھی فراہم کرے گا۔یہ معاہدہ پاکستان اور امریکہ کے درمیان اقتصادی شراکت داری کے ایک نئے دور کی شروعات قرار دیا جا رہا ہے۔