سچ خبریں:میڈیا اور سوشل نیٹ ورکس کے عرب صارفین نے ویلز کے خلاف ایران کی جیت پر ردعمل کا اظہار کیا اور اس فتح کو مبارکباد دی۔
عراقی عوامی تحریک کے رہنماؤں میں سے ایک علی محسن التمیمی نے ویلز کے خلاف ایرانی قومی فٹ بال ٹیم کی فتح پ ررد عمل کا اظہار کرتے ہوئے لکھا کہ ایک عظیم اسلامی فتح،اس کے علاوہ، دوسرے عراقی صارفین نے کلپس اور میوزک چلا کر اور ایران اور ویلز کے درمیان ہونے والے کے میچ کے مناظر کو پیش کیا۔
دوسری جانب عراق کے وزیر اعظم محمد شیاع السودانی نے بھی سماجی رابطے کی ویب سائٹ ٹوئٹر پر اپنے اکاؤنٹ پر لکھا کہ ہم اسلامی جمہوریہ ایران کو اس فتح پر مبارکباد پیش کرتے ہیں اور اس کپ میں شریک تمام بھائیوں اور دوستوں کی مزید ترقی کی تمنا کرتے ہیں۔
اسی مناسبت سے عراق کی قومی حکمت تحریک کے رہنما سید عمار حکیم نے ویلز کی قومی ٹیم کے خلاف قطر ورلڈ کپ میں ایرانی قومی فٹ بال ٹیم کی فتح پر مبارکبادی کا پیغام پیش کرتے ہوئے کہا کہ ہم اسلامی جمہوریہ ایران کی قومی ٹیم کو قطر کی میزبانی میں منعقدہ ورلڈ کپ میں ویلز کی ٹیم کے خلاف فتح پر مبارکباد پیش کرتے ہیں، ہمیں امید ہے کہ دیگر عرب اور اسلامی ٹیمیں بھی اس بین الاقوامی فٹ بال کپ میں شاندار نتائج حاصل کریں گی۔
قابل ذکر ہے کہ ایران کی قومی فٹ بال ٹیم کے شائقین کی خوشی میں قطر کے امیر شیخ تمیم بن حمد آل ثانی نے بھی شرکت کی، سوشل میڈیا پر شائع ہونے والی ویڈیو کے مطابق 2022 ورلڈ کپ گیمز کے فریم ورک میں ویلز کی قومی فٹ بال ٹیم کے خلاف ایرانی قومی فٹ بال ٹیم کی گرانقدر جیت کے بعد امیر قطر نے اپنی مخصوص جگہ پر آکر ایرانی شائقین کی خوشی میں شرکت کی
یاد رہے کہ الجزیرہ چینل نے بھی ایران کی کامیابی کا حوالہ دیتے ہوئے ایرانی شائقین کا ایک کلپ نشر کیا جس میں شائقین کہتے ہیں کہ امریکہ، تیار رہو، ہم آرہے ہیں۔
