مقبوضہ بیت المقدس میں فلسطینی شہری کے ہاتھوں 2 صیہونی فوجی زخمی

?️ 22 مارچ 2022

سچ خبریں:مقبوضہ بیت المقدس میں ایک فلسطینی شہری نے چاقو سے حملہ کرکے دو صیہونی فوجیوں کو زخمی کر دیا۔

شہاب نیوز ایجنسی نے صیہونی ذرائع کے حوالے سے بتایا کہ مقبوضہ بیت المقدس میں فلسطینی شہری کے چاقو کے حملے میں دو اسرائیلی فوجی زخمی ہو گئے،رپورٹ کے مطابق حملہ کرنے والا فوری طور پر جائے وقوعہ سے فرار ہو گیا ،تاہم صہیونی فوج نے اس کے لیے تلاشی مہم شروع کر دی ہے اورانھوں اس کے لیے باب العامود کے علاقے کو گھیرے میں لے لیا۔

اس حملے کے بعد باب العامود میں اسرائیلی فوج کی ایک بڑی تعداد ہائی الرٹ پر ہے، جس سے رہائشیوں کو علاقے میں سفر کرنے سے روک دیا گیا ہے جبکہ اسرائیلی فوج نے اس علاقے سے دو فلسطینیوں کو بھی حراست میں لے لیا نیز اسرائیلی ہیلی کاپٹر بھی اس علاقے میں بہت زیادہ پروازیں کر رہے ہیں۔

اس سلسلے میں فلسطین کی جہاد اسلامی تحریک کے ایک رہنما داؤد شہاب نے بیت المقدس اور مغربی کنارے میں شہادت طلبانہ کارروائیوں پر ردعمل میں تاکید کی کہ یہ کارروائیاں دشمنانہ پالیسیوں کے خلاف فلسطینی عوام کے بڑھتے ہوئے غصے کو ظاہر کرتی ہیں۔

شہاب نے مزید کہاکہ قابض حکومت اپنی غنڈہ گردی اور جرائم کی قیمت ادا کرے گی اور اسے احساس ہوگا کہ فلسطینی عوام کے پاس طاقت اور ارادہ ہے جو صیہونی دہشت گردی اور دشمنی کی پالیسیوں کے مقابلے میں ان کے عزم اور استقامت کو مضبوط کرتا ہے۔