مغرب کو ہمارا احترام کرنا چاہیے: پیوٹن

?️ 26 ستمبر 2022

سچ خبریں:    روس کے صدر ولادیمیر پیوٹن نے پیر کو سوچی میں اپنے بیلاروسی ہم منصب الیگزینڈر لوکاشینکو سے ملاقات کی۔

اس ملاقات کے دوران انہوں نے تاکید کی کہ مغربی ممالک کو روس اور بیلاروس کے ساتھ بات چیت میں ہمارا احترام کرنا چاہیے۔

پیوٹن نے مزید کہا کہ اگر مغربی ہمارے ساتھ احترام کا سلوک نہیں کرتے ہیں تو ہم ان کے ساتھ بات چیت اور مذاکرات نہیں کریں گے۔

بیلاروس کے صدر الیگزینڈر لوکاشینکو نے بھی اس ملاقات میں تاکید کی کہ یورپی پاگل ہیں انہیں اپنے خیالات پر نظر ثانی کرنی چاہیے۔

انہوں نے مزید کہا کہ میں نے ماضی میں کم از کم تین بار ان سے کہا ہے کہ آپ کا مستقبل ہم اور روس سے جڑا ہوا ہے، ہمارے پاس آپ کی ضرورت کی ہر چیز موجود ہے اور ہم یورپیوں سے ٹیکنالوجی جیسے شعبوں میں بھی اپنی ضروریات فراہم کر سکتے ہیں۔

بیلاروس کے صدر نے کہا کہ مجھے روس اور بیلاروس کے موقف کی درستگی اور مغربی پابندیوں کے خلاف ہماری فتح کے یقین میں کوئی شک نہیں ہے۔ ہم آخر میں جیتیں گے اور ہمارے پاس کوئی دوسرا راستہ نہیں ہے۔