سینکڑوں صہیونی افسران کا غزہ میں پھر سے جنگ شروع کرنے پر انتباہ

سچ خبریں:550 سے زائد صیہونی سینئر فوجی افسران نے نیتن یاہو کی کابینہ کو غزہ میں پھر سے جنگ شروع کرنے کے بارے میں خبردار کیا ہے۔  

الجزیرہ نیوز چینل کی رپورٹ کے مطابق صہیونی اخبار معاریو نے ایک خط شائع کیا ہے جو صہیونی ملسح افواج کے نائب سربراہ اور ریزرو فورسز کے بریگیڈیئر جنرل متان فلنائی نے 550 سابق سینئر فوجی افسران کی جانب سے صیہونی کابینہ اور عوام کے نام لکھا ہے جس میں غزہ میں پھر سے جنگ شروع کرنے پر انتباہ دیا گیا ہے۔

یہ بھی پڑھیں:شمالی غزہ میں صیہونیوں کے خلاف مزاحمت کا زبردست جھٹکا

اس خط کے لکھنے والوں نے غزہ میں پھر سے جنگ شروع کرنے کے لیے اپنی مخالفت کا اعلان کیا اور زور دیا کہ اسرائیلی کابینہ کو خالی نعروں سے اسرائیلی فوجیوں اور قیدیوں کی جانوں کو خطرے میں نہیں ڈالنا چاہیے۔

خط میں زور دیا گیا ہے کہ موجودہ کابینہ کی پالیسی غزہ میں خونریز قبضے اور مغربی پٹی میں سیکورٹی کے خدشات کو بڑھانے کی طرف بڑھ رہی ہے۔

صہیونی حکومت کے سینئر فوجی افسران نے تل ابیب کے لیے سب سے خطرناک محاذ کو داخلی محاذ قرار دیا ہے، جو مقبوضہ علاقوں کے رہائشیوں اور سیکورٹی اداروں پر ان کے حملوں کے درمیان پھوٹ کے نتیجے میں پیدا ہوا ہے۔

خط میں زور دیا گیا ہے کہ صیہونی کابینہ کو مستقبل کے کسی بھی اقدام کے لیے قیدیوں کی رہائی کو اپنی شرط بنانا چاہیے۔

مزید پڑھیں: ہم غزہ میں کسی بھی فریق کی موجودگی کو قابض سمجھتے ہیں: حماس

ان فوجیوں نے نشاندہی کی کہ نیتن یاہو کی کابینہ کی طرف سے غزہ کے باشندوں کو جبری بے دخل کرنے پر مبنی ٹرمپ کے منصوبے کی حمایت مصر اور اردن کے ساتھ امن معاہدوں اور حالیہ ابراہیم معاہدے کو خطرے میں ڈال رہی ہے۔