مغرب کا بنایا ہوا عفریت

?️ 21 فروری 2024

سچ خبریں: وینزویلا کے صدر کا کہنا ہے کہ آج اسرائیل کو مغرب سے وہی فنڈنگ ​​اور حمایت ملتی ہے جو نازی جرمنی کو ملتی ہے۔

رشیا ٹوڈے کی رپورٹ کے مطابق وینزویلا کے صدر نکولس مادورو نے صیہونی حکومت کی مغرب کی حمایت پر تنقید کرتے ہوئے کہا ہے کہ مغرب جس طرح دوسری جنگ عظیم سے قبل ایڈولف ہٹلر اور نازی جرمنی کی حمایت کرتا تھا اسی طرح اسرائیل کی مکمل حمایت کررہا ہے۔

یہ بھی پڑھیں: نیتن یاہو ہٹلر سے بدتر ہے: اردگان

مشرق وسطیٰ کے حالات کے بارے میں برازیل کے صدر لولا دا سلوا کے جائزے کی حمایت کرتے ہوئے مادورو نے کہا کہ طاقتور امریکی، یورپی اور برطانوی خاندانوں نے 1933 میں ہٹلر کے اقتدار میں آنے کی حمایت اور خیرمقدم کیا۔

انہوں نے مزید کہا کہ مغربی حکام اور خواص ہٹلر کے قتل عام کے سامنے خاموش رہے کیونکہ وہ اسے سابق سوویت یونین پر اس کی طاقتور فوجی قوتوں کے خاتمے کے لیے تیار کر رہے تھے،ہٹلر مغرب کا پیدا کردہ عفریت تھا۔

مادورو نے فلسطینیوں کے قتل عام کو بند کرنے پر زور دیا اور کہا کہ اسرائیل آج ہٹلر کی طرح عفریت بن چکا ہے، آج مغرب اسی انداز اور تناظر میں اسرائیل کی مجرمانہ عسکری تنظیم کی حوصلہ افزائی، فنڈنگ ​​اور حمایت کرتا ہے جیسا کہ لولا دا سلوا نے کہا، اسرائیل فلسطینیوں کے ساتھ وہی کر رہا ہے جو ہٹلر نے یہودیوں کے ساتھ کیا۔

مزید پڑھیں: آج کا ہٹلر کون ہے؟ برازیل کے صدر کا بیان

لولا کے موقف سے ناراض صیہونی حکومت کے وزیر اعظم بنجمن نیتن یاہو نے ان کے بیانات کو "بے شرمانہ اور خطرناک (!) قرار دیا اور برازیل کو سرخ لکیر عبور کرنے کے بارے میں خبردار کیا!