مسجد اقصی کی لگاتار تیسرے دن بے حرمتی

?️ 31 مارچ 2021

سچ خبریں:قدس اسلامک اوقاف کے دفتر نے آج صبح اعلان کیا کہ سیکڑوں صہیونی آباد کار لگاتار تیسرے دن بھی غیر قانونی طور پر مسجد اقصیٰ میں داخل ہوئے ہیں۔
القدس العربی اخبار کی رپورٹ کے مطابق آج مسلسل تیسرے دن بھی سیکڑوں صہیونی آباد کار اسرائیلی پولیس فورس کی مدد سے مسجد اقصیٰ میں داخل ہوئے،رپورٹ کے مطابق قدس اسلامک اوقاف کے دفتر نے ایک بیان میں اعلان کیا ہے کہ آج صبح 309 صہیونی آبادکاروں نے مسجد اقصیٰ پر حملہ کیا، توقع ہے کہ آبادکاروں کی ایک اور تعداد ظہر کی نماز کے بعد بھی مسجد میں جائے گی۔

قدس اسلامک اوقاف کے دفتر نے پہلےبھی اعلان کیا تھا کہ 440 آباد کاروں نے گذشتہ پیر کوجبکہ 498 دیگر نے منگل مسجد اقصی پر حملہ کیا تھا اور آج لگاتار تیسرا دن ہے کہ صہیونی آباد کاروں نے مقدس مقام پر حملہ کیا ہے،واضح رہے کہ صہیونی آباد کار گروہوں میں عید پسح (فطیر) جو اتوار سے شروع ہوگی اور ایک ہفتہ تک جاری رہے گی ،کے موقع پر مسجد اقصیٰ میں بڑے پیمانے پر داخلے کی کالیں دی جاری ہیں۔

واضح رہے کہ مسجد اقصیٰ پر حملہ جو ہمیشہ فوج کی سبز روشنی کے ساتھ ہوتا ہے ، قدس کو یہودی بنانے،
مسجد اقصیٰ کے اسلامی تناظر میں تبدیلی اور اقصی کے باشندوں کو اس علاقہ کو چھوڑنے پر مجبور کرنے کی کوششوں کے ایک حصے کے طور پر ہوتا ہے،یادرہے کہ 2003 کے بعد سے قدس اسلامی اوقاف کے دفتر کے مسلسل احتجاج کے باوجود صیہونی حکومت نے آبادکاروں کو مسجد اقصیٰ میں داخل ہونے کی اجازت دے دی ہے جو آئے دن مسجد پر یلغارکرتے ہیں اور اسلام مخالف نعرے لگاتے ہیں جبکہ دنیا بھر کے اسلامی ممالک کے حکام عالمی برادری کے ساتھ خاموش تماشائی بنے ہوئے ہیں اور کسی کو ٹس سے مس نہیں۔