فلسطینی قیدیوں نے صیہونی حکومت کی ہوا نکال دی:جہاد اسلامی

?️ 21 دسمبر 2021

سچ خبریں:فلسطین کی جہاد اسلامی تحریک کے ایک سینئر رکن نے تاکید کی کہ فلسطینی قیدیوں نے صیہونی حکومت کے غبارے کی ہوا نکال دی ہے۔
فلسطین کی جہاد اسلامی تحریک کے ایک سینئر رکن احمد المدلل نے قیدی یوسف المبحوح کے بہادرانہ آپریشن پر انھیں مبارکباد پیش کی، جنہوں نے خواتین قیدیوں کے دفاع میں صہیونی افسر پر حملہ کیا، اور کہا کہ صہیونی دشمن نے قیدی خواتین کے خلاف بربریت کی تمام حدیں پار کر دی ہیں۔

رپورٹ کے مطابق فلسطینی جہاد اسلامی تحریک کے اس سینئر رکن نے کہا کہ صہیونی دشمن کے جرائم کے خلاف فلسطینی عوام کے صبر اور استقامت کا پیمانہ لبریز ہوچکا ہے،انہوں نے کہا کہ فلسطینی مزاحمتی جماعتیں اسرائیلی جیلوں میں موجودہ صورتحال کی انتہائی تشویش اور غصے کے ساتھ پیروی کر رہی ہیں۔

انہوں نے اس بات پر زور دیا کہ فلسطینی قیدی دشمن کو شکست دینے میں کامیاب رہے ہیں، جہاد اسلامی کے سینئر رکن نے صیہونی حکومت کو قیدیوں کے خلاف کسی بھی قسم کی جارحیت میں اضافے کا ذمہ دار ٹھہراتے ہوئے کہاکہ جب تک فلسطینی قیدی جارحیت اور جرائم کا شکار رہیں گے، اس وقت تک خطے میں سلامتی اور امن نہیں ہو گا۔

قابل ذکر ہے کہ مصر کا ایک وفد حال ہی میں تل ابیب کے لیے روانہ ہوا اور اس نے تحریک حماس کی طرف سے صیہونی حکومت کے حکام کو انتباہی پیغام پہنچایا، حماس نے صہیونیوں کو مخاطب کرتے ہوئے کہا ہے کہ غزہ کا محاصرہ اٹھانے کے معاملے کا صہیونی قیدیوں کی رہائی کے معاملے سے کوئی تعلق نہیں ہے،تحریک حماس نے تاکید کی ہے کہ صہیونی قیدیوں کو دن کی روشنی صرف فلسطینی قیدیوں کی رہائی کے بدلے میں نظر آئے گی،حماس نے خبردار کیا ہے کہ غزہ کا محاصرہ اٹھانے میں تاخیر بھی خطے میں دھماکے کا باعث بنے گی۔