سعودی عرب یمنی عوام کے ارادوں کو کمزور نہیں کر سکتا:یمنی وزیر اعظم

?️ 21 دسمبر 2021

سچ خبریں:یمنی قومی سالویشن گورنمنٹ کے وزیر اعظم نے سعودیوں کے مقابلے میں یمنی افواج کی حاصل کی گئی شاندار کامیابیوں کا حوالہ دیتے ہوئے کہا کہ سعودی عرب کبھی بھی یمنی عوام کے ارادوں کو کمزورنہیں کر سکتا
المسیرہ چینل کی رپورٹ کے مطابق یمنی قومی سالویشن حکومت کے وزیر اعظم عبدالعزیز بن حبتور نے یمنی عوام کی مزاحمت جاری رکھنے کے بارے میں بات کرتےہوئے کہا کہ سعودی عرب یمنی عوام کے ارادوں کو کمزورنہیں کر سکتا ۔

رپورٹ کے مطابق یمن کی قومی سالویشن حکومت کے وزیر اعظم نے مزید کہاکہ یمنیوں نے عظیم قربانیوں کے ساتھ سعودیوں اور ان کے اتحادیوں کے خلاف عظیم کامیابیاں اور فتوحات حاصل کی ہیں،یادرہے کہ قبل ازیں یمن کی سپریم انقلابی کمیٹی کے چیئرمین محمد علی الحوثی نے کہاکہ ہم نے پہلے سے کہیں زیادہ سعودی عناصر کے خلاف جنگ میں کامیابیاں اور فتوحات حاصل کر لی ہیں۔

انھوں نے مزید کہا کہ یمنی مسلح افواج کے ترجمان جلد ہی ان کامیابیوں اور فتوحات سے پردہ اٹھائیں گے،قابل ذکر ہے کہ یمنی فوج نے گذشتہ چند دنوں میں شہر مأرب میں وسیع کامیابیاں حاصل کرنے کے علاوہ صوبہ الجوف میں بھی سعودی عرب سے وابستہ عناصر کے خلاف اہم پیش رفت کی ہے جس پر سعودی حکام سخت تشویش میں مبتلا ہیں۔