سچ خبریں:روسی ڈوما کے اسپیکر ویاچسلاو ویلوڈن نے کہا کہ پیوٹن نے یوکرائن میں آپریشن شروع کر کے عالمی جنگ کو روکا ہے۔
روس کی سرکاری ٹیلی ویژن کی رپورٹ کے مطابق یوکرائن میں روس کی فوجی کارروائی نے مؤثر طریقے سے عالمی جنگ کو روک دیا ہے،انہوں نے مزید کہاکہ یوکراے کے صدر ولادیمیر زیلنسکی نے اپنے عہدے میں تین اہم غلطیاں کیں، جن میں سے ایک آزاد پالیسی پر عمل درآمد میں ان کی ناکامی تھی۔
انہوں نے کہا کہ یوکرائن جیسے ملک کو اپنی خود مختار پالیسی پر عمل کرنا چاہیے، امریکہ اور یورپ کے سامنے جھکنا نہیں چاہیےاور نہ ہی واشنگٹن اور برسلز پر انحصار کرنا چاہیے، زیلنسکی نے اپنے لوگوں کے مفادات کو بھلا دیا۔
ویلوڈن کے مطابق زیلنسکی نے منسک معاہدے کو باطل کر دیا اور ڈونباس کے علاقے مشرقی یوکرین میں) کے نمائندوں کے ساتھ بات چیت شروع کرنے میں بھی ناکام ہوئے، روسی ڈوما کے اسپیکر نے کہا کہ زیلنسکی کو ڈونباس کے نمائندوں کے ساتھ ڈونیٹسک اور لوہانسک عوامی جمہوریہ کے تنازعات کو حل کرنے کے لئے بات چیت کرنی چاہئے تھی، لیکن انہوں نے منسک معاہدے کو منسوخ کرنے اور مذاکرات سے انکار کرنے کو ترجیح دی۔
ویلوڈن نے کہاکہ زیلنسکی کی دوسری غلطی یوکرائن کے اپنے جوہری ہتھیاروں کو دوبارہ حاصل کرنے کا خطرہ تھ، جو عالمی سلامتی کا معاملہ تھا، اس طرح کے ریمارکس سے زیلنسکی نے ظاہر کیا کہ موجودہ حکومت کا سربراہ غیر ذمہ دار ہے۔