فلسطینی اتھارٹی کی سرخ لکیر

?️ 31 جولائی 2023

سچ خبریں: فلسطینی اتھارٹی کے سربراہ نے ایک بیان میں لبنان کے عین حلوہ کیمپ میں ہونے والی پرتشدد جھڑپوں پر ردعمل کا اظہار کیا۔

فلسطینی اتھارٹی نے لبنان کے عین حلوہ کیمپ میں ہونے والی شدید جھڑپوں پر ردعمل کا اظہار کرتے ہوئے کیمپ کی سلامتی کو یقینی بنانے کے لیے لبنان کے ساتھ ہم آہنگی پر زور دیا۔

یہ بھی پڑھیں: امریکہ اور برطانیہ فلسطینی قوم کے المیے کا باعث ہیں:فلسطینی اتھارٹی کے سربراہ

واضح رہے کہ فلسطینی ذرائع ابلاغ نے 30 جولائی کو جنوبی لبنان میں فلسطینی کیمپ عین حلوہ میں صیدا شہر میں فلسطینی قومی سلامتی کے کمانڈر کی گاڑی پر فائرنگ کے بعد فتح تحریک کی فورسز اور الشباب المسلم کے نام سے مشہور مسلح گروپ کے درمیان مسلح تصادم کے دوبارہ شروع ہونے کی اطلاع دی ہے۔

عین الحلوہ کیمپ کے الصفصاف اور البرکسات کے علاقوں میں دونوں فریقوں کے درمیان شدید مسلح تصادم دیکھنے کو مل رہا نیز عین الحلوہ میں قومی سلامتی کے نائب کمانڈر نے کہا کہ گاڑی پر فائرنگ کے بعد تحریک فتح سے تعلق رکھنے والے فلسطینی قومی سلامتی کے کمانڈر بریگیڈیئر جنرل ابو اشرف العروشی اپنی جان سے ہاتھ دھو بیٹھے۔

فلسطینی اتھارٹی کے سربراہ نے اپنے بیان میں کہا کہ صیدا کے کیمپوں میں نیشنل سکیورٹی فورسز کے کمانڈر اور ان کے ساتھیوں کو نشانہ بنانے والا قتل سرخ لکیروں کو عبور کرنا تھا۔

اس بیان میں کہا گیا ہے کہ عین الحلوہ کیمپ کے واقعات اس بات کی نشاندہی کرتے ہیں کہ دہشت گرد گروہ لبنان اور اس کیمپ کی سلامتی سے کھیل رہے ہیں۔

مزید پڑھیں: نابلس کا محاصرہ فلسطینی قوم کے خلاف ہمہ گیر جنگ کا اعلان ہے:فلسطینی اتھارٹی

المیادین چینل کی رپورٹ کے مطابق اس بیان میں کہا گیا ہے کہ کیمپوں کی حفاظت ہماری سرخ لکیر ہے اور ہم لبنانی حکومت کی طرف سے امن و امان کے نفاذ بالخصوص فلسطینی کیمپوں میں اقدامات کی حمایت کرتے ہیں۔

یاد رہے کہ فلسطینی اتھارٹی کے سربراہ نے فلسطین کی سلامتی اور خودمختاری کو برقرار رکھنے اور فلسطینی کیمپوں کی حمایت کے لیے لبنانی حکومت اور اس کے سرکاری اور سکیورٹی اداروں کے ساتھ ہم آہنگی پر بھی زور دیا۔