غزہ کے لاکھوں بچوں کی جان خطرے میں یونیسف کی رپورٹ

?️ 16 نومبر 2023

سچ خبریں: یونیسف نے اعلان کیا کہ غزہ کے طبی شعبے کی تباہی نے دس لاکھ بچوں کی زندگیوں کو خطرے میں ڈال دیا ہے۔

الجزیرہ نیوز سائٹ کے مطابق یونیسف نے ایک بیان جاری کرتے ہوئے کہا کہ غزہ کے بچے متعدد جرائم کا شکار ہیں جن میں قتل و غارت، اسکولوں اور اسپتالوں پر حملے اور انسانی امداد کی آمد کو روکنا شامل ہے، بیان میں اس بات پر زور دیا گیا کہ غزہ کی پٹی میں تقریباً 10 لاکھ بچوں کے لیے کوئی محفوظ جگہ نہیں ہے۔

یہ بھی پڑھیں: ہر 10 منٹ میں غزہ میں ایک بچہ صہیونی جرائم کا شکار

اس رپورٹ کے مطابق غزہ کی پٹی کے تمام علاقوں کے خلاف صیہونی حکومت کی وسیع فضائی، توپ خانے اور بحری جارحیت کے نتیجہ میں بچوں کی صحت کی خدمات تباہی کے دہانے پر ہیں۔

یونیسف کا کہنا ہے کہ غزہ کے تمام علاقوں خصوصاً شمالی علاقوں میں طبی خدمات اور طبی امداد تقریباً منہدم ہو چکی ہے جس سے بچوں کی زندگیاں خطرے میں پڑ گئی ہیں۔

یونیسف کی ایگزیکٹو ڈائریکٹر کیتھرین رسل نے بھی اس بات پر زور دیا کہ غزہ میں بہت سے بچے لاپتہ ہیں اور بہت سے رہائشی علاقوں پر راکٹ حملوں کے نتیجے میں ملبے تلے دبے ہوئے ہیں۔

مزید پڑھیں: روزانہ کتنے فلسطینی بچے شہید ہو رہے ہیں؟

اس رپورٹ کے مطابق غزہ میں 4600 سے زائد بچے شہید اور 9000 سے زائد زخمی ہوئے ہیں۔

یونیسف کے اس عہدیدار نے اس بات پر زور دیا کہ گزشتہ اکتوبر سے اب تک UNRWA کے 100 سے زائد ملازمین بھی اپنی جانیں گنوا چکے ہیں۔