سچ خبریں:یمن کی قومی سالویشن حکومت کے نائب وزیر اعظم نے دفاع اور سلامتی کے امور میں وزیر اعظم کے مشیر جلال الرویشان کا کہنا ہے کہ عمان صنعاء اور سعودی اتحاد کے درمیان ثالث کا کردار ادا کر رہا ہے۔
یمن کی قومی سالویشن حکومت کے نائب وزیر اعظم نے دفاع اور سلامتی کے امور میں وزیر اعظم کے مشیر جلال الرویشان کا کہنا ہے کہ عمان صنعاء اور سعودی اتحاد کے درمیان ثالث کا کردار ادا کر رہا ہے،رپورٹ کے مطابق جلال الرویشان نے یمن کے خلاف سعودی اتحاد کی جارحیت کے آغاز سے لے کر اب تک یمن میں عمان کے برادرانہ کردار کو سراہا۔
انہوں نے کہا کہ عمانی وفد صنعاء اور جارح سعودی اتحاد کے ممالک کے درمیان ثالث کا کردار ادا کر رہا ہے اور امید ہے کہ کچھ کامیابیاں بھی حاصل ہوں گی لیکن اقوام متحدہ کے تحت یمن میں جنگ بندی کے تین ادوار نے یہ ظاہر کیا کہ جارح سعودی اتحاد کے رکن ممالک کے پاس یمنی عوام کے دکھ درد کے حل کے لیے کوئی منصوبہ نہیں ہے۔
المسیرہ چینل کو انٹرویو دیتے ہوئے انہوں نے سعودی اتحاد کے رکن ممالک کی جانب سے یمن کو ناامن کرنے کے لیے شدت پسند گروپوں کو المھرہ اور حضرموت منتقل کرنے کی کوششوں کی طرف اشارہ کیا،انہوں نے مزید کہا کہ سرکاری ملازمین کی تنخواہوں کی ادائیگی کے حوالے سے عمانی وفد کے پاس جارح اتحاد کی جانب سے 130000 افراد کی تنخواہوں کی ادائیگی کے حوالے سے تجاویز بھی تھیں جبکہ ہمارے نقطہ نظر سے 30 ملین یمنی شہریوں کی تنخواہیں ادا کی جانی چاہیے۔
الرویشان نے اس بات پر زور دیا کہ ہمارا مؤقف مستحکم ہے اور ہمارے مطالبات ، محاصرہ ختم کرنا، جنگ روکنا، تمام غیر ملکی افواج کا انخلاء، جنگ کے اثرات کی تلافی اور ملازمین کی تنخواہوں کی ادائیگی ہے۔