عراق میں داعش کے دو اہم کمانڈر ہلاک

🗓️ 22 مئی 2021

سچ خبریں:عراقی مسلح افواج کے ترجمان نے عراقی فورسز کے ایک آپریشن کے دوران دیالی صوبے میں داعش کے دو رہنماؤں کی ہلاکت کا اعلان کیا ہے۔
بغداد الیوم کی رپورٹ کے مطابق عراقی فوج ملک کے مختلف حصوں میں تکفیری دہشت گردوں کے خلاف انسداد دہشت گردی کاروائیوں کا سلسلہ جاری رکھے ہوئے ہے، عراقی فورسز نے حال ہی میں داعش کی باقیات کے خلاف ایک نیا آپریشن شروع کیا ہے، رپورٹ کے مطابق عراقی آرمڈ فورسز کے جنرل کمانڈ کے ترجمان یحییٰ رسول نے کہا ہے کہ عراقی فوج نے صوبہ دیالی میں تکفیری دہشت گردوں کے ٹھکانوں کو نشانہ بنایا ہے۔

عراقی آرمڈ فورسز جنرل کمانڈ کے ترجمان نے بھی کہا ہے کہ عراقی فورسز آپریشن کے دوران دو تکفیری رہنماؤں کو ہلاک کرنے میں کامیاب ہوگئیں،واضح رہے کہ داعش کے دونوں رہنماؤں نے دیالی میں بڑے پیمانے پر دہشت گردی کی کاروائیوں کا منصوبہ بنایا تھا۔

واضح رہے کہ حال ہی میں عراقی فوج نے موصل کے جنوب مشرق میں واقع حمام العلیل علاقے میں تکفیری عناصر کی باقیات پر شدید حملہ کیا، اس حملے میں ایک بڑی تعداد تکفیریوں کے ٹھکانوں کو تباہ کردیا گیا۔

یادرہے کہ اگرچہ عراقی حکومت باقاعدہ طور پر اس ملک سے داعش کے خاتمہ کا اعلان کرچکی ہے تاہم عراق میں غیر قانونی طور پر موجود امریکہ اور دیگر مغربی ممالک کی پشت پناہی میں اس دہشتگرد تنظیم کے باقی ماندہ عناصر آئے دن ملک کے مختلف حصوں میں کاروائیاں کرتے رہتے ہیں جس میں بڑی تعداد میں بے گناہ عوام کو نشانہ بنایا جاتا ہے جبکہ عراقی عوامی فورس الحشد الشعبی نےاپنے ملک سے داعش کا صفایا کرنے کی ٹھان رکھی ہے جس کے تحت اب تک اس کے خلاف سیکڑوں کاروائیاں کی جاچکی ہیں جن میں دہشتگردوں کو وسیع پیمانہ پر نقصان ہوا ہے۔