سچ خبریں:لبنان کے وزیر خارجہ کو داعش کو ایجاد کرنے والوں پر تنقید کرنا اتنی مہنگی پڑی کہ وہ اپنے عہدہ سے استعفی دینے پر مجبور ہوگئے۔
صیہونیوں کی جارحیت، امریکیوں کی اہانت اور مغربی ملکوں کی دھونس دھمکیوں کو برداشت کرنے والوں سے لبنانی وزیرخارجہ کا حقیقت پسندانہ بیان برداشت نہ ہوسکا۔
اطلاعات کے مطابق داعش کی تشکیل میں بعض عرب ملکوں کے مسلمہ کردار کو بے نقاب کئے جانے پر مبنی حقیقت پسندانہ بیان دینے پر لبنان کے وزیر اعظم سعد حریری کی برہمی اور کویت، بحرین، متحدہ امارات اور مصر کی جانب سے ان کے بیان کو اہانت آمیز قرار دیئے جانے کے بعدلبنان کے وزیر خارجہ شربل وہبہ استعفی دینے پر مجبور ہوگئے ہيں،بتایا جاتا ہے کہ انہوں نے اپنا استعفی صدر میشل عون کو پیش کردیا ہے۔