سچ خبریں:ایک صہیونی اخبار نے اعتراف کیا ہے کہ صیہونی حکومت کے سکیورٹی اپریٹس کے اسلامی مزاحمتی تحریک حماس کی عسکری ونگ کی میزائل طاقت کے تخمینے غلط تھے۔
صہیونی اخبار ہاریٹز نے فلسطینی مزاحمت کی میزائل طاقت کا اعتراف کیا، صہیونی اخبار نے ایک رپورٹ میں اعتراف کیا ہے کہ تل ابیب کو عزالدین قسام بریگیڈ کی میزائل طاقت کے بارے میں غلط فہمی تھی، رپورٹ کے مطابق صہیونی اخبار نے اپنی رپورٹ میں اس بات پر زور دیا ہے کہ جنگ سے پہلے اسرائیلی اندازوں سے یہ ظاہر ہوتا تھا کہ حماس کسی تنازعہ کے لئے بالکل بھی تیار نہیں تاہم جنگ میں اس کے برعکس ثابت ہوا اور اسرائیل کے ٹھکانوں پر بہت سے میزائل داغے گئے۔
قابل ذکر ہے کہ گذشتہ روز حماس اسلامی مزاحمتی تحریک کی فوجی شاخ کے عز الدین قسام بریگیڈ کے ترجمان ابو عبیدہ نے ایک تقریر میں کہاکہ فلسطینی مزاحمت القدس اور مسجد اقصی کے دفاع کے مقصد کے ساتھ جنگ میں داخل ہوئی، دوسری طرف اس اسلامی مزاحمتی تحریک کے نائب سکریٹری جنرل “نصر الشمری” نے زور دے کر کہاکہ ” سورڈ آف قدس “کی لڑائی نے فلسطینی مزاحمتی گروہوں کے حق میں طاقت کا توازن بدل دیا۔
انہوں نے کہا کہ یہ کہا جاسکتا ہے کہ فلسطین کے مزاحمتی گروہوں نے القدس کی تلوار کی لڑائی کے دوران طاقت کے توازن کو دوبارہ بحال کردیا اور فلسطینی گروپوں نے نہ صرف اپنی قوم بلکہ اسلامی امت کے وقار کا بھی دفاع کیا نیز صیہونی غاصب حکومت کو بری طرح سے شکست سے دوچار کر دیا۔