طالبان کی یونیورسٹیوں میں خواتین کے داخلہ پر پابندی پر اقوم متحدہ کا ردعمل

?️ 23 دسمبر 2022

سچ خبریں:اقوام متحدہ کے سکریٹری جنرل نے ایک بیان میں طالبان کی جانب سے یونیورسٹیوں میں خواتین کے داخلہ پر پابندی پر ردعمل کا اظہار کیا۔

جمہور نیوز ایجسی کی رپورٹ کے مطابق اقوام متحدہ کے سکریٹری جنرل انتونیو گوٹیرس نے ایک بیان میں طالبان کی جانب سے طالبات کی تعلیم پر پابندی کو افغانستان کے مستقبل کے لیے تباہ کن قرار دیا،اس خبر رساں ادارے کے مطابق بیان میں کہا گیا ہے کہ لڑکیوں کو تعلیم سے محروم کرنے سے نہ صرف خواتین اور لڑکیوں کے مساوی حقوق کی خلاف ورزی ہوتی ہے بلکہ افغانستان کے مستقبل پر بھی تباہ کن اثرات مرتب ہوں گے۔

انتونیو گوٹیرس نے طالبان سے مزید کہا کہ وہ خواتین اور لڑکیوں کے لیے ہر سطح پر تعلیم تک مساوی رسائی کی ضمانت دیں، یاد رہے کہ طالبان کی جانب سے حال ہیں میں افغانستان کی تمام سرکاری اور آزاد یونیورسٹیوں کو بھیجے گئے حکم نامے کے مطابق اعلیٰ تعلیمی سطحوں میں خواتین کی تعلیم کو اگلے نوٹس تک معطل کر دیا گیا ہے،اس حکم نامے جس پر طالبان کے اعلیٰ تعلیم کے وزیر نے دستخط کیے، کو افغانستان کے تمام اعلیٰ تعلیمی اداروں کو فوری عمل درآمد کے ساتھ بھیج دیا گیا ہے۔

یاد رہے کہ یہ کارروائی اس وقت کی گئی جب اس سال کے شروع میں اور اگست 2021 کے بعد پہلی بار افغان لڑکیوں کے لیے مڈل اسکول دوبارہ کھولے جانے کے چند گھنٹوں بعد طالبان نے ان اسکولوں کو بند کردیا۔