سچ خبریں: میڈیا رپورٹس میں پوری غزہ کی پٹی بالخصوص رفح شہر پر صیہونی حکومت کے فضائی اور زمینی حملوں کے نئے دور کے بارے میں بتایا گیا ہے۔
المیادین نیوز چینل کے رپورٹر نے رپورٹ دی ہے کہ غزہ شہر میں واقع الزیتون محلے میں رہائشی مکانات پر صیہونی بمباری کے دوران کم سے کم 7 فلسطینی شہری شہید اور 14 زخمی ہوگئے۔
یہ بھی پڑھیں: رفح سے قاہرہ تک؛ اسرائیل مصر اور غزہ کی سرحدی پٹی کو کنٹرول کرنے کی کوشش کیوں کر رہا ہے؟
صیہونی قابض فوج نے رفح شہر کے جنوب میں واقع صلاح الدین کراسنگ کے قریب ایک موٹر سائیکل کو بھی نشانہ بنایا جس کے نتیجے میں 2 فلسطینی شہید ہوگئے۔
فلسطینی میڈیا نے یہ بھی اطلاع دی ہے کہ اسرائیلی توپ خانے کے حملوں نے غزہ کی پٹی کے شمال میں جبالیا کے مشرق میں اور اس پٹی کے جنوب میں رفح شہر کو نشانہ بنایا۔
مزید پڑھیں: کیا رفح کے خلاف زمینی حملے سے حماس کا خاتمہ ہو جائے گا؟ برطانیہ کا اعتراف
صیہونی فوج نے غزہ کی پٹی کے مرکز میں نصیرات کیمپ کے شمال میں واقع المغراقہ کے علاقے پر وسیع بمباری کی۔
غزہ کی پٹی کے شمال میں واقع بیت لاہیا شہر کی شمالی سرحدوں پر بڑے پیمانے پر فائرنگ اور توپ خانے کے حملے دیکھنے میں آئے ہیں۔
