ایک غیر قانونی ریاست کا سربراہ جس کی اس کے گھر میں بھی نہیں چلتی

🗓️ 17 جون 2023

سچ خبریں:ایک صیہونی اخبار نے قابض حکومت کے وزیر اعظم کو ایک بزدل اور کمزور شخص قرار دیا ہے جس کی باتیں ان کے گھر میں بھی نہیں سنی جاتی ہیں۔

انٹر ریجنل اخبار رائے الیوم نے صیہونی اخبار ہارٹیز کا حوالیہ دیتے ہوئے اپنے ایک کالم میں مقبوضہ علاقوں کی اندرونی ابتر صورتحال اور صیہونی وزیراعظم بنیامین نیتن یاہو کی ناقص کارکردگی کے سلسلہ میں گفتگو کی۔

مزید پڑھیں:صیہونی وزراء کی نیتن یاہو کو بلیک میل کرنے کی کوشش

کالم میں کہا گیا ہے کہ نیتن یاہو لیکوڈ پارٹی ،صیہونی کابینہ بلکہ قابض حکومت پر اپنا کنٹرول کھو چکے ہیں جس کے باعث یہ حکومت تباہی کی طرف بڑھ رہی ہے۔

کالم میں اس بات پر زور دیا گیا ہے کہ نیتن یاہو، جن پر جرائم کا الزام ہے، ایک کمزور، بزدل اور ناکارہ شخص ہیں جو اپنے گھر میں بھی اثرورسوخ نہیں رکتھے،کابینہ کا انتظام تو دور کی بات ہے۔

یہ بھی:صیہونی سربراہ کا صیہونی ریاست کی تباہی کا انتباہ

یاد رہے کہ صیہونی حکومت کی اپوزیشن تحریک کے سربراہ یائر لاپڈ نے حال ہی میں بیت المقدس کی مرکزی عدالت میں اس حکومت کے وزیر اعظم بنیامین نیتن یاہو کے خلاف گواہی دی ہے۔

عبرانی ذرائع کا کہنا ہے کہ لاپڈ نے نیتن یاہو کے خلاف 1000 کرپشن کیس میں گواہی دی جس میں نیتن یاہو پر دھوکہ دہی اور امانت میں خیانت کرنے کا الزام لگایا گیا تھا۔

صیہونی چینل کان نے یہ بھی اطلاع دی کہ نیتن یاہو نے لیون (وزیر انصاف) اور اسموٹریچ (وزیر خزانہ) سے ملاقات کی تاہم انہوں نے موجودہ حکومت کے خاتمے تک عدالتی اصلاحات کے منصوبے کو معطل کرنے کی مخالفت کی۔