صیہونیوں کے ہاتھوں ایک اور فلسطینی نوجوان شہید

?️ 5 ستمبر 2022

سچ خبریں:19 سالہ فلسطینی نوجوان محمد زکارنہ آج صبح جنین کے جنوب میں واقع قصبے قباطیہ پر جارحیت کرنے والی صیہونی قابض فوج کی فائرنگ سے شہید ہوگیا۔

فلسطینی ذرائع ابلاغ کی رپورٹ کے مطابق شہر جنین پر صیہونی فوج کے حملے کے دوران19 سالہ فلسطینی نوجوان محمد زکارنہ شدید زخی ہوا جسے ہسپتال پہنچایا گیا جس کے بعد اسے آپریشن روم میں لے جایا گیا لیکن ڈاکٹروں کی کوششیں اس کی جان نہ بچا سکیں اس لیے کہ صیہونی فوج کی گولیاں اس کے سر، دائیں ٹانگ اور بائیں ران میں لگی تھیں جس کی وجہ سے اس کے زخم بہت سنگین تھے۔

واضح رہے کہ اس حملے میں ایک اور فلسطینی نوجوان محمود ریاض زکارنہ کو بھی نشانہ بنایا گیا جس کی بائیں ٹانگ میں زخم آئے،تاہم ہسپتال ذرائع نے اس کی حالت خطرے سے باہر بتائی ہے۔

درایں اثنا قابض حکومت کے فوجیوں نے قصبہ قبطیہ پر حملہ کرکے ایک گھر کو گھیرے میں لے لیا اور وہاں رہنے والے ایک نوجوان کو ہتھیار ڈالنے کو کہا جس کے بعد مسلح تصادم شروع ہوگیا،یاد رہے کہ صیہونی قابض فوجی صوبہ جینین میں نصیف غوادره، أمين السعدی، أنور سباعنه، عدي مناصره اور نورس غوادره کو بغیر کسی جرم کے گرفتار کر کے اپنے ساتھ لے گئے۔