صیہونیوں کے خلاف ایک اور محاذ جنگ

🗓️ 6 جون 2023

سچ خبریں:لبنان کے ایک میڈیا نے اطلاع دی ہے کہ صیہونی فوج کے خلاف مصری فوجی کی کارروائی کا نتیجہ اس حکومت کے خلاف جنگ کے میدان میں ایک نئے محاذ کی تشکیل ہے۔

لبنان کی العہد نیوز سائٹ نے صہیونی فوج کے خلاف مصری سپاہی محمد صلاح کے آپریشن کی تفصیل کے ساتھ ایک انفوگرافک شائع کیا ہے جس میں کہا گیا ہے کہ اس کا نام محمد صلاح ہے اور راہ قدس کا شہید ہے۔

محمد صلاح کے آپریشن کی تاریخ 3 جون بروز ہفتہ ہے اور آپریشن کا مقام مصر اور مقبوضہ علاقوں کے درمیان سرحدی پٹی العوجہ کراسنگ ہے، یاد رہے کہ اس مصری فوجی نے تین صیہونی فوجیوں کو ہلاک کیا۔

العہد کی سائٹ نے مزید لکھا کہ مصری فوجی کی کاروائی کا نتیجہ صیہونی دشمن کے ساتھ تعلقات کو معمول پر لانے اور مزاحمت کے آپشن کی حمایت کے خلاف عرب اقوام بالخصوص مصری قوم کے موقف پر دوبارہ تاکید ہے۔

قابل ذکر ہے کہ اس کاروائی نے صیہونی حکومت کی قوت مدافعت کو زبردست دھچکا پہنچایا اور قابض حکومت کے وزیر اعظم بنیامین نیتن یاہو کی کابینہ کو مشکل میں ڈال دیا۔

رپورٹ میں مزید کہا گیا ہے کہ محمد صلاح کی کاروائی نے صیہونی دشمن کے خلاف جنگ میں ایک نیا محاذ کھول دیا جو اس حکومت کے حکام کے حساب و کتاب سے باہر ہے۔

واضح رہے کہ صیہونی ریڈیو نےاعلان کیا تھا کہ اس مصری فوجی کے پاس قرآن مجید،ایک چاقو،ایک بندوق اور6 میگزین ملے ہیں۔