اقوام متحدہ کے رپورٹر کا اسرائیلی جرائم کے خلاف عملی اقدامات کا مطالبہ 

سچ خبریں:اقوام متحدہ کی فلسطینی انسانی حقوق کی خصوصی رپورٹر "فرانچسکا البانیز” نے صہیونی ریاست کی توسیع پسندانہ پالیسیوں پر سخت تنقید کرتے ہوئے فلسطینی قوم کے اپنے مقدر کا فیصلہ کرنے کے قانونی حق پر زور دیا ہے۔

انہوں نے عالمی برادری کی ردعمل کو ناکافی قرار دیتے ہوئے واضح کیا کہ غزہ پٹی اور مغربی کنارے میں فلسطینیوں کے حقوق کی سنگین خلاف ورزیوں اور جرائم کے حجم کے پیش نظر محض مذمتی بیانات جاری کرنا کافی نہیں ہے، بلکہ عملی اقدامات کی ضرورت ہے۔

البانیز نے وضاحت کی کہ اسرائیلی ریاست مغربی کنارے کے الحاق کے منصوبوں کو آگے بڑھا کر بین الاقوامی قوانین کی واضح اور مسلسل خلاف ورزی جاری رکھے ہوئے ہے۔ انہوں نے خبردار کیا کہ اس ریاست کا حتمی مقصد فلسطینی زمینوں کو قبضے میں لینا اور انہیں ضم کرنا ہے، لیکن فلسطینی عوام کے بغیر۔

اقوام متحدہ کی خصوصی رپورٹر نے اپنے بیان کے اختتام پر فلسطینی قوم کے پامال حقوق کی حمایت کرتے ہوئے زور دیا کہ فلسطینی عوام کو مقبوضہ علاقوں کی آزادی اور اپنے مقدر کا فیصلہ کرنے کا مکمل حق حاصل ہے۔