سچ خبریں:اسرائیلی وزیر جنگ نے یہ کہتے ہوئے حماس کا ڈیجیٹل کرنسی والٹ ضبط کرنے کا حکم دیا ہے ،کہ یہ تحریک اس والٹ مبینہ طور پر اپنی سرگرمیوں کے لئے مالی اعانت کے لئے استعمال کررہی ہے۔
اسپوٹنک نیوز ایجنسی کی رپورٹ کے مطابق جمعرات کے روز اسرائیلی وزارت جنگ کی پریس سروس نے دعوی کیا ہے کہ اسرائیلی سکیورٹی ایجنسی ، انسداد دہشت گردی کی مالی اعانت کی اسرائیلی قومی ایجنسی ، اسرائیلی وزارت جنگ اور اسرائیلی پولیس نے مشترکہ آپریشن میں ڈیجیٹل کرنسی کے ایک والٹ دریافت کیا جسے بٹ کوائنز اور دیگر کرپٹو کارنسیس کے ذریعہ حماس اپنے فنڈ کےلیے استعمال کرتا ہے،یروشلم میں قابض حکومت کی جاسوس ایجنسی نے ایک رپورٹ میں دعوی کیا ہے کہ حالیہ مہینوں میں تحریک حماس نے اپنی فوجی شاخ کو فنڈ دینے کے لئے بٹ کوائنز اور دیگر کریپٹو کرنسیوں کی شکل میں فنڈ جمع کرنے کے لئے ایک آن لائن مہم کا استعمال کیا ہے۔
کچھ اطلاعات کے مطابق غزہ کی 12 روزہ جنگ کے دوران یہ فنڈ اکٹھا کرنے کی مہم اپنے عروج کو پہنچی تھی،بیان میں مزید کہا گیاکہ صیہونی وزیر جنگ بنی گانٹزکے دستخط شدہ اس ضبطی آرڈر میں ایک عدالتی طریقہ کار مرتب کیا گیا ہے جس کے تحت صیہونی فوج کو اس دہشت گرد تنظیم (حماس) کے مجازی اثاثوں پر قبضہ کرنے کی اجازت دی گئی ہے۔
واضح رہے کہ کریپٹوکرنسی تبادلے کے میدان میں سرگرم بہت سے پلیٹ فارم پہلے ہی اس آرڈر پر عمل کرنے اور حماس کے ورچوئل اثاثوں پر قبضہ کرنے پر اتفاق کر چکے ہیں،یاد رہے کہ حماس کے ہاتھوں ہر میدان میں شکست کھانے کے بعد صیہونی اس طرح کے ہتھکنڈے آزمانے کی کوشش کررہے ہیں جبکہ انھیں نہیں معلوم اس تنظیم پر قابو پانا ان کے بس کی بات نہیں ہے اور اس طرح کی حرکتوں سے صیہونی پہلے سے بھی زیادہ رسوا ہو کر رہ جائیں گے۔
