صیہونیوں کا ایک بار پھر درندگی کا مظاہرہ

?️ 20 اگست 2023

سچ خبریں: صیہونی آبادکاروں نے مقبوضہ بیت المقدس میں ایک فلسطینی بچے کو زدوکوب کرکے اس کے ہاتھ کی ہڈی توڑ دی۔

سماء نیوز ایجنسی کی رپورٹ کے مطابق آج پیر کی شام صہیونی آباد کاروں نے مقبوضہ بیت المقدس میں واقع باب الخلیل کے قریب بیت المقدس سے تعلق رکھنے والے فلسطینی بچے مصطفیٰ موسیٰ ابو خلف کو زدوکوب کیا۔

مقامی ذرائع کا کہنا ہے کہ اس فلسطینی بچے کو صیہونی آبادکاروں کے حملے اور زد وکوب کے باعث زخمی ہونے کی وجہ سے المقصد اسپتال منتقل کردیا گیا ہے۔

یہ بھی پڑھیں: صیہونیوں کے ہاتھوں3 سالہ فلسطینی بچے کا قتل

اس فلسطینی بچے کے والد موسیٰ ابو خلف نے بتایا کہ صہیونی آباد کاروں کی جانب سے ان کے بیٹے کی پٹائی کے نتیجے میں اس کے ہاتھ کی ہڈی ٹوٹ گئی۔

دوسری جانب صہیونی فوج کی حمایت میں درجنوں صیہونی آباد کار باب الحدید کے قریب جمع ہوئے جو مسجد الاقصی کے داخلی راستوں میں سے ایک ہے اور اشتعال انگیز کاروائیاں کیں۔

دوسری خبر یہ ہے کہ طولکرم کے شمال میں واقع قفین میں صیہونی فوجیوں اور آبادکاروں نے اس علاقے کی بلدیہ کے انتظامی عملے پر حملہ کیا جو قفین، زیبدہ، جنین اور اس علاقے کے کسانوں کی زمینوں کے درمیان مواصلاتی سڑک کی مرمت کر رہے تھے۔

مزید پڑھیں: غزہ میں 20 فلسطینی بچے شہید اور 170 زخمی

مقامی ذرائع نے اطلاع دی ہے کہ صہیونی آباد کاروں نے وحشیانہ اور اشتعال انگیزی کے ساتھ قفین میونسپلٹی کے انتظامی عملے کی سرگرمیوں میں رکاوٹیں ڈالی اور ہاتھوں میں اسلحہ لے کر صہیونی فوج کو بلا کر ٹرک کے ڈرائیور پر حملہ کرنے کی کوشش کی جنہوں نے فلسطینیوں کے سامان سے بھرے ٹرک کو قبضے میں لے لیا۔

ان ذرائع نے اعلان کیا کہ اس مہینے میں یہ دوسرا موقع ہے کہ صیہونی فوجیوں نے قفین میونسپلٹی کے انتظامی عملے کی سڑک کی تعمیری سرگرمیوں کو روکا ہے۔