صیہونیوں نے غزہ کا مواصلاتی نظام کیوں منقطع کیا ہے؟

?️ 17 جنوری 2024

سچ خبریں: غزہ کی پٹی میں فلسطینی اتھارٹی کے انفارمیشن آفس نے مواصلاتی لائنوں کی مسلسل کٹوتی سے اس پٹی میں انسانی بحران میں اضافے سے خبردار کیا ہے۔

الجزیرہ نیوز چینل کی رپورٹ کے مطابق غزہ کی پٹی میں فلسطینی حکومت کے انفارمیشن آفس نے اعلان کیا ہے کہ صیہونی غاصبوں کی جانب سے اس پٹی میں مواصلاتی لائنوں اور انٹرنیٹ کو منقطع کرنے کی کارروائی اس علاقے پر حملے کے آغاز سے ساتویں مرتبہ دہرائی گئی ہے۔

یہ بھی پڑھیں: انٹرنیٹ بند کر کے صیہونی غزہ میں کیا کر رہے ہیں؟

اس حکومتی ادارے نے تاکید کی کہ صیہونی غاصب غزہ کی پٹی میں دانستہ طور پر مواصلاتی لائنوں کو کاٹ کر فلسطینیوں کی نسل کشی کو مکمل کرنے کی کوشش کر رہے ہیں، یہ جرم غزہ کی پٹی میں لگاتار کئی دنوں سے دہرایا جا رہا ہے۔

غزہ کی پٹی میں فلسطینی حکومت کے انفارمیشن آفس نے کہا کہ اس پٹی میں مواصلاتی لائنوں اور انٹرنیٹ کو منقطع کرنے کا مطلب اس علاقے میں فلسطینیوں کی زندگیوں کو خطرہ لاحق ہونے والی آفات کا رونما ہونا ہے اس لیے کہ شہداء اور زخمیوں کی ایک بڑی تعداد ہے جو مواصلاتی نیٹ ورک کے بغیر نہیں پہنچ سکتے۔

اس سرکاری دفتر نے تاکید کی کہ یہ عمل غزہ کی پٹی میں شہداء کی تعداد میں وسیع پیمانے پر اضافے کا سبب بنے گا،صیہونی حکومت مواصلاتی لائنوں کو کاٹ کر غزہ کی پٹی میں انسانی صورتحال کو مزید خراب کرنا چاہتی ہے۔

مزید پڑھیں: غزہ میں انسانی امداد کے ٹرکوں کی آمد میں کمی

یاد رہے کہ گذشتہ 103 دنوں کے دوران غزہ کی پٹی پر حملے کے دوران صہیونی فوج نے اس پٹی میں مواصلاتی اور انٹرنیٹ نیٹ ورک منقطع کر دیے ہیں اور اس پٹی کے مختلف حصوں پر اپنے حملے تیز کر دیے ہیں۔