شمالی شام میں PKK کے 13 ارکان ہلاک

?️ 19 فروری 2022

سچ خبریں:ترک وزارت دفاع نے اعلان کیا کہ کردستان ورکرز پارٹی PKKکے 13 ارکان شمالی شام میں مارے گئے۔
ترکی کی وزارت دفاع نے ایک بیان میں کہا ہے کہ PKK کے عناصر کی جانب سے شمالی شام میں آزاد کرائے گئے علاقوں کو نشانہ بنانے کی کوششوں کا جواب دیا جائے گا ،بیان میں کہا گیا ہے کہ ترک فوجی دستے 13 دہشت گردوں کو نشانہ بنانے میں کامیاب ہوئے جب وہ "زیتون کی شاخ” اور "فرات شیلڈ” کے علاقوں کو نشانہ بنانے کی تیاری کر رہے تھے۔

یادرہے کہ شمالی شام میں PKKکےٹھکانوں پر ترکی کے حملے جاری ہےجبکہ شامی حکام نے بارہا اسے "قبضہ” قرار دیتے ہوئے اس کی مذمت کی ہے اور کہا ہے ترکی اس تنظیم کی آڑ میں اس ملک کے عام شہریوں کو نشانہ بنا رہاہے نیز اس نے شام کے کئی حصوں پر قبضہ بھی کر رکھا ہے جہاں وہ اپنے من مانے طریقہ سے قوانین نافذ کرتا ہے یہاں تک کہ دیگر شہروں کا پانی بھی بند کردیتا ہے۔

یادرہے کہ ترکی اور PKKپچھلے 40 سال سے زائد عرصے سے خونریز جنگ میں ملوث ہیں جس میں اب تک دونوں طرف سے بہت زیادہ جانی نقصان ہوا ہے اوریہ نقصان آئے دن بڑھتا جارہا ہےجبکہ عالمی برادی کی طرف سے ایک بار بھی ترکی کو اس سلسلہ میں انتباہ نہیں دیا گیا ہے۔