سید حسن نصراللہ کی تقریر پر صیہونی میڈیا کا ردعمل

?️ 30 اپریل 2022

سچ خبریں:صیہونی میڈیا نے جس نے گذشتہ روز مزاحمتی تحریک کے رہنماؤں کی تقریروں پر گہری نظر رکھی تھی، نے سید نصر اللہ کی تقریر کے بعد اعلان کیا کہ آنے والے ہفتوں میں اسرائیلی فوج اور صیہونی سکیورٹی اداروں کو بڑے چیلنجز کا سامنا کرنا پڑے گا۔
القدس کے عالمی دن کے موقع پر لبنان میں حزب اللہ کے سکریٹری جنرل سید حسن نصر اللہ کے خطاب کے بعد صہیونی میڈیا نے ان کی تقریر کے بعد اسرائیلی حلقوں میں پیدا ہونے والے خدشات کے سلسلہ میں گفتگو کی صہیونی میڈیا نے خبر دی ہے کہ آنے والے ہفتے اسرائیل کے سکیورٹی اور عسکری اداروں کے لیے ایک بڑا چیلنج ہوں گے۔

اسرائیلی ٹیلی ویژن چینل 13 پر عرب امور کے تجزیہ کار ہازی سمانتوف نے کہا کہ حسن نصر اللہ جنہوں نے اسرائیلیوں کے خلاف فلسطینیوں کی انفرادی کارروائیوں کی تعریف کی، اس بات کا اشارہ دیا کہ اسرائیلی سکیورٹی اور فوجی حلقوں کو مشکل دنوں کا سامنا ہے، انہوں نے مزید کہا کہ فلسطینی اسرائیل (مقبوضہ علاقوں) کے اندر مزید حملے بھی کر سکتے ہیں اور ان کارروائیوں کو ناکام بنانا بھی بہت مشکل ہوگا۔

انہوں نے مزید کہا کہ دوسری طرف حماس آنے والے ہفتوں میں بھی فلسطینیوں کو شہادت طلبانہ کارروائیاں کرنے کی ترغیب دیتی رہے گی جو اسرائیلی سکیورٹی اور عسکری اداروں کے لیے ایک بڑا چیلنج ہے۔